სიახლეები სტუდენტებისთვის

სოციალური პროგრამის ფარგლებში სასწავლო/სამაგისტრო გრანტის მოსაპოვებლად ელექტრონული განაცხადების მიღება 26 აგვისტოდან იწყება.

სტუდენტებს, რომლებიც აკმაყოფილებენ სოციალური პროგრამის ფარგლებში სახელმწიფო სასწავლო ან სახელმწიფო სასწავლო სამაგისტრო გრანტის მიღების პირობებს, განაცხადის წარდგენა შეეძლებათ საქართველოს განათლების, მეცნიერებისა და ახალგაზრდობის სამინისტროს ელექტრონულ პორტალზე:http://socreg.mes.gov.ge

განაცხადის წარდგენის ვადები:

• ბაკალავრიატის სტუდენტებისთვის – 2026 წლის 26 აგვისტოდან 25 სექტემბრის ჩათვლით;
• მაგისტრატურის სტუდენტებისთვის – 2026 წლის 28 სექტემბრიდან 12 ოქტომბრის ჩათვლით.

სოციალური პროგრამის ფარგლებში დაფინანსების მიღების შესაძლებლობა აქვთ 2025 წლის 17 დეკემბრამდე უმაღლეს საგანმანათლებლო დაწესებულებაში ჩარიცხულ სტუდენტებს, რომლებიც საქართველოს მთავრობის №3 დადგენილებით განსაზღვრულ ერთ-ერთ სოციალურ კატეგორიას მიეკუთვნებიან.

სტუდენტთა კატეგორიების, წარსადგენი დოკუმენტებისა და განაცხადის წარდგენის წესის შესახებ დეტალური ინფორმაცია ხელმისაწვდომია საქართველოს განათლების, მეცნიერებისა და ახალგაზრდობის სამინისტროს ოფიციალურ ვებგვერდზე – „სტუდენტთა სახელმწიფო სასწავლო/სამაგისტრო გრანტით დაფინანსება სოციალური პროგრამის ფარგლებში“: https://mes.gov.ge/content.php?id=4231&lang=geo&csrt=5437745576961905115

გთხოვთ, გაითვალისწინოთ: თუ სტუდენტი ერთდროულად რამდენიმე სოციალურ კატეგორიას აკმაყოფილებს, მიზანშეწონილია განაცხადი წარადგინოს ყველა შესაბამისი კატეგორიის მიხედვით.

2026