სტიპენდიები და გაცვლითი პროგრამები

საერთაშორისო ახალგაზრდული შეხვედრების ცენტრი აცხადებს  განაცხადების მიღებას საერთაშორისო სემინარზე "ევროპა და მიგრაცია". სემინარი ჩატარდება 2010 წლის 3 დეკემბრიდან 9 დეკემბრის ჩათვლით. არაევროკავშირის წევრი სახელმწიფოების მოქალაქეთათვის სემინარში მონაწილეობის საფასური შეადგენს 30 ევროს.

კანდიდატთა ასაკი: 19-29 წელი.

სემინარზე განიხილება:
•    აღმოსავლეთ და დასავლეთ ევროპა და მათი პერსპექტივები მიგრაციასთან მიმართებაში;
•    რა აიძულებს ადამიანებს მიგრაციას?
•    აღმოსავლეთ ევროპაში ემიგრაციის პრობლემები და მათი გადაჭრის გზების ძიება;
•    დასავლეთ ევროპაში იმიგრაციის პრობლემები და მათთან გამკლავების საშუალებები;

სემინარში მონაწილეობით დაინტერესებულმა ახალგაზრდებმა ელექტრონულად უნდა გაგზავნონ შემდეგი დოკუმენტაცია:
•    სააპლიკაციო ფორმა;
•    რეზიუმე (CV);
•    დაახლოებით 1200 სიტყვის შემცველი ესსე შემდეგი სათაურით: „როგორ ვხედავ მიგრაციის პრობლემებს“.

განაცხადების გაგზავნის ბოლო ვადაა 2010 წლის 25 ოქტომბერი.

დამატებითი ინფორმაციისათვის მიმართეთ, ილიას სახელმწიფო უნივერსიტეტის სტუდენტური სერვის ცენტრის, დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220, ტელ.: (8 32) 29 47 11.