ილიაუნის ისტორიის სტუდენტური კლუბი
კლუბის აღწერა
ილიას სახელმწიფო უნივერსიტეტის ისტორიის სტუდენტური კლუბი „მატიანე“ ხელს უწყობს სტუდენტებში ისტორიის, როგორც სამეცნიერო დარგის, მნიშვნელობის გაზრდას. კლუბი ისტორიით დაინტერესებულ პირებს საშუალებას აძლევს, მონაწილეობა მიიღონ სტუდენტურ კონფერენციებში და გაიღრმაონ ცოდნა ამა თუ იმ მოვლენის შესახებ, დაესწრონ კლუბის მიერ ორგანიზებულ საჯარო ლექციებს და მეტი საინტერესო დეტალი გაიგონ კონკრეტული თემის შესახებ, მონაწილეობა მიიღონ კლუბის მიერ გამართულ სხვადასხვა ღონისძიებაში, რაც მათ დაეხმარება როგორც ახალი ცოდნის შეძენაში, ასევე პიროვნულ თვისებათა გამომუშავებასა და დახვეწაში.
კლუბის მიზნები:
- სტუდენტური ცხოვრების გამრავალფეროვნება;
- ისტორიული მოვლენების შესახებ ცნობიერების ამაღლება და მათი პოპულარიზაცია;
- კონფერენციების გამართვა, რომლებზეც სტუდენტებს მიეცემათ ცოდნისა და უნარების გამომჟღავნების საშუალება;
- საჯარო ლექციების გამართვა, რომლებიც სტუდენტებს ახალი ცოდნის შეძენასა და არსებულის გაღრმავებაში დაეხმარებათ;
- საისტორიო ჟურნალის შექმნა, რომელშიც წარმოდგენილი იქნება კლუბის წევრთა ნამუშევრები;
- უნივერსიტეტის ბაზაზე საერთო ინტერესების მქონე ხალხის დაახლოება.
წევრების მიღების პირობები:
- კლუბში გაწევრიანება შეუძლია ილიაუნის ნებისმიერი მიმართულების სტუდენტს, დაინტერესებულს ისტორიით;
- მსურველებმა უნდა გამოგზავნონ მცირე სამოტივაციო წერილი კლუბის მიერ მითითებულ მეილზე.