სტიპენდიები და გაცვლითი პროგრამები

იუნესკო/კეიზო ობუჩის სტიპენდია განკუთვნილია იმ პირებისათვის, რომლებიც ფლობენ მაგისტრის ხარისხს და სურვილი აქვთ განახორციელონ კვლევითი სამუშაოები საზღვარგარეთ 3-9 თვის განმავლობაში.
სტიპენდიის მოპოვება შეუძლიათ პირებს, რომლებიც მუშაობენ შემდეგ სფეროებში:
გარემო (პრიორიტეტულია წყლის მეცნიერებები);
კულტურათაშორისი დიალოგი;
საინფორმაციო და საკომუნიკაციო ტექნოლოგიები;
კონფლიქტების მშვიდობიანი მოგვარება.

საკვალიფიკაციო მოთხოვნები
კანდიდატების ასაკი არ უნდა აღემატებოდეს 40 წელს.
კანდიდატს უნდა ჰქონდეს მოწვევა იმ უნივერსიტეტიდან, რომელშიც კვლევის ჩატარებას აპირებს.
პრიორიტეტი ენიჭებათ:
ქალებს;
კანდიდატებს ნაკლებად განვითარებული ქვეყნებიდან.
კანდიდატები უნდა ფლობდნენ იმ ქვეყნის ენას, რომელშიც კვლევა იგეგმება;
კანდიდატებს შეუძლიათ აწარმოონ კვლევა ერთ ან ორ ქვეყანაში.

სტიპენდიის მოპოვების მიზნით კანდიდატებმა უნდა წარმოადგინონ შემდეგი დოკუმენტები:

•    უმაღლესი განათლების (მაგისტრის ხარისხის) დამადასტურებელი დოკუმენტის 2 ასლი ნიშნების ფურცელთან ერთად;
•    სარეკომენდაციო წერილი;
•    მიმწვევი კვლევითი დაწესებულების თანხმობის წერილი;
•    იმ ქვეყნის ენის ფლობის დამადასტურებელი ოფიციალური დოკუმენტი, რომელშიც კანდიდატი კვლევის ჩატარებას აპირებს;
•    დაგეგმილი კვლევითი სამუშაოს დეტალური აღწერა (მაქსიმუმ ორი გვერდი), მასში უნდა შედიოდეს შემდეგი ინფორმაცია:
1.      კვლევის მიზანი, დასაბუთება, სიახლე, მნიშვნელობა;
2.    მოსალოდნელი შედეგი;
3.    კვლევის მეთოდი;
4.    კვლევის ჩასატარებელი ადგილი;
5.      კვლევის ხანგრძლივობა;
6.    დეტალური ბიუჯეტი (მინიმუმ 6 000 მაქსიმუმ 10 000 აშშ დოლარი)

განაცხადები წარდგენილი უნდა იყოს  შოთა რუსთაველის ეროვნულ სამეცნიერო ფონდში 2010 წლის 22 ნოემბრის 18:00 საათამდე.

დამატებითი ინფორმაციისთვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის  გამზ. №32, ოთახი C 220,  ტელ.: 822 29 47 11.