სტიპენდიები და გაცვლითი პროგრამები

ივ. ჯავახიშვილის სახელობის თბილისის სახელმწიფო უნივერსიტეტი, კერძოდ, სოციოლოგიისა და სოციალური მუშაობის მიმართულება, გაეროს ბავშვთა ფონდის (UNICEF) და სოციალური მომსახურების სააგენტოს ფინანსური დახმარებით, აცხადებს მიღებას სერტიფიცირების ერთწლიან პროგრამაზე (2011 სასწავლო წელი) სოციალური მუშაკებისათვის, რომლებიც დასაქმებულნი არიან სხვადასხვა სამთავრობო თუ არასამთავრობო ორგანიზაციებში.

პროგრამას გაუძღვებიან თსუ პედაგოგები და მოწვეული სპეციალისტები საქართველოს სოციალურ მუშაკთა ასოციაციიდან (GASW).

პროგრამა გრძელდება 30 კვირის განმავლობაში. სტუდენტები ვალდებულნი არიან, დააგროვონ 60 კრედიტი სერთტიფიკატის მისაღებად. სერტიფიკატს გასცემს ივ. ჯავახიშვილის სახელობის თბილისის სახელმწიფო უნივერსიტეტი.

სასერტიფიკატო ლექციები დაიწყება 2011 წლის 5 თებერვალს.

სააპლიკაციო ფორმების მიღება განხორციელდება თბილისის სახელმწიფო უნივერსიტეტის IV კორპუსში, 2011 წლის 3 იანვრიდან 27 იანვრის ჩათვლით (9:00 – 18:00 სთ).

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220,  ტელ.: 822 29 47 11.