სამაგისტრო პროგრამა ევროპათმცოდნეობაში
ღია საზოგადოების ფონდები, მაასტრიხტის (ნიდერლანდები) და აარჰუსის (დანია) უნივერსიტეტები აცხადებენ კონკურსს სასწავლო გრანტების მოსაპოვებლად ევროპათმცოდნეობის მიმართულებით.
პროგრამის ფარგლებში გათვალისწინებულია შემდეგი სამაგისტრო კურსები:
• მაასტრიხტის უნივერსიტეტი – ევროპათმცოდნეობა, ევროპული საზოგადოებრივი საქმე, ევროპის ანალიზი;
• აარჰუსის უნივერსიტეტი – ევროპათმცოდნეობა.
დაინტერესებული კანდიდატები უნდა აკმაყოფილებდნენ შემდეგ კრიტერიუმებს:
• 2011 სასწავლო წლისათვის ითვლებოდნენ ბელორუსიის, საქართველოს, მოლდავეთის ან უკრაინის მოქალაქეებად;
• სრულფასოვნად ფლობდნენ ინგლისურ ენას (წარმატებით ჰქონდეთ ჩაბარებული TOEFL ან იელტური შეფასების ტესტი);
• ფლობდნენ მინიმუმ ბაკალავრის ხარისხს მშობლიური აკრედიტებული უმაღლესი სასწავლებლიდან;
• აკმაყოფილებდნენ სასურველი (მაასტრიხტის ან აარჰუსის) უნივერსიტეტის მიერ დადგენილ სააპლიკაციო მოთხოვნებს;
• განაცხადის წარდგენის მომენტში არ ღებულობდნენ ფინანსურ სარგებელს ადგილობრივი ღია საზოგადოების ფონდებიდან, მაასტრიხტის ან აარჰუსის უნივერსიტეტიდან;
• სასტიპენდიო პერიოდის დამთავრების შემდეგ დაბრუნდნენ სამშობლოში სასწავლო - სამეცნიერო მოღვაწეობის გასაგრძელებლად;
• უპირატესობა მიენიჭებათ კანდიდატებს, რომელთაც წარსულში არ უსწავლიათ საზღვარგარეთ.
მაასტრიხტის უნივერსიტეტის სტიპენდიის ხანგრძლივობა: მაქსიმუმ 18 თვე.
სტიპენდია მოიცავს სასწავლო, საცხოვრებელი, საჰაერო მგზავრობის, ვიზისა და სამედიცინო დაზღვევის ხარჯების ანაზღაურებას. პროგრამა ითვალისწინებს სამაგისტრო კურსის გავლის შემდეგომ ექვს თვიან სავალდებულო სტაჟირებას.
აარჰუსის უნივერსიტეტის სტიპენდიის ხანგრძლივობა: მაქსიმუმ 24 თვე.
სტიპენდია მოიცავს სასწავლო, საცხოვრებელი, საჰაერო მგზავრობის, ვიზისა და სამედიცინო დაზღვევის ხარჯების ანაზღაურებას. პროგრამა ითვალისწინებს სამაგისტრო კურსის გავლის შემდეგომ ორ-სამ თვიან სტაჟირებას.
განაცხადების გაგზავნის ბოლო ვადაა 2011 წლის 7 თებერვალი.
დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220, ტელ.: 822 29 47 11.