სტიპენდიები და გაცვლითი პროგრამები

საერთაშორისო განათლების კორეის ეროვნული ინსტიტუტი აცხადებს საგრანტო კონკურსს განათლების სპეციალობაზე კორეის  რესპუბლიკაში. სწავლება განხორციელდება ინგლისურ ენაზე. დაინტერესებული კანდიდატები უნდა აკმაყოფილებდნენ შემდეგ ძირითად კრიტერიუმებს:
•    არ უნდა წარმოადგენდნენ კორეის მოქალაქეებს;
•    ჰქონდეთ დამაკმაყოფილებელი ჯანმრთელობა როგორც ფიზიკურად, ასევე ფსიქიკურად;
•    წარსულში არ უნდა ჰქონდეთ მონაწილეობა მიღებული კორეაში ამავე ან მსგავს პროგრამაში;
•    ბაკალავრიატის სტუდენტების ასაკი არ უნდა აღემატებოდეს 25 წელს, ხოლო  ზედა საფეხურების სტუდენტებისა 40 წელს;
•    ბაკალავრიატის სტუდენტებს დაგროვილი უნდა ჰქონდეთ ელემენტარული განათლების დამადასტურებელი კრედიტები, ხოლო სამაგისტრო ან სადოქტორო კურსების გავლის მსურველი კანდიდატები უნდა ფლობდნენ ბაკალავრის ან მაგისტრის ხარისხის ფლობის დამადასტურებელ დოკუმენტაციას განათლების სპეციალობის სასურველ მიმართულებაში;
•    წარსულში არ უნდა ჰქონდეთ გავლილი რეგისტრაცია კორეის უნივერსიტეტში ჩასარიცხად;
•    ფლობდნენ 80%-ზე მაღალ საერთო საშუალო (GPA) ქულას მშობლიური უმაღლესი სასწავლებლიდან;

დაინტერესებულმა კანდიდატებმა განაცხადი უნდა წარადგინონ კორეის რესპუბლიკის უკრაინის საკონსულო დეპარტამენტში  2011 წლის 4 მარტამდე.
 
დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 219,  ტელ.: 822 29 47 11.