სტიპენდიები და გაცვლითი პროგრამები

რობერტ ბოშის ფონდი (გერმანია) აცხადებს კონკურსს ახალგაზრდა ხელოვანთათვის. კონკურსში მონაწილეობის მიღება შეუძლიათ აღმოსავლეთ, ცენტრალური და სამხრეთ - დასავლეთ ევროპის ქვეყნების მოქალაქეებს, რომლებიც დასაქმებული არიან კულტურის სფეროში.
სტიპენდიის ხანგრძლივობა: ცამეტი თვე (დასაწყისი: 2011 წლის ოქტომბერი).

დაინტერესებული კანდიდატი უნდა აკმაყოფილებდეს შემდეგ კრიტერიუმებს:
•    ჰქონდეს კულტურის მენეჯმენტში ან პროექტებში მუშაობის გამოცდილება;
•    წარმოადგენდეს ცენტრალური, აღმოსავლეთ ან სამხრეთ - დასავლეთ ევროპის ერთ - ერთი სახელმწიფოს მოქალაქეს;
•    სრულყოფილად ფლობდეს გერმანულ ენას;
•    ჰქონდეს უმაღლესი განათლება;

პროგრამა ითვალისწინებს:
•    ყოველთვიურ სტიპენდიას 1000 ევროს ოდენობით;
•    მგზავრობის ხარჯების ანაზღაურებას გერმანიასა და კვალიფიკაციის ასამაღლებელ კურსებზე;
•    ჯანმრთელობის, უბედური შემთხვევისა და ზარალის დაზღვევას;
•    დამატებით დახმარებას პროგრამის პერიოდში და სამშობლოში პროფესიული საქმიანობის დასაწყისში;
•    მოსამზადებელ სემინარს 2011 წლის ოქტომბერში, კვალიფიკაციის ასამაღლებელ რეგულარულ კურსებს;
•    კონტაქტების დამყარებას რობერტ ბოშის ფონდის სხვა პროგრამებთან, აგრეთვე კულტურისა და განათლების პოლიტიკის სხვა მნიშვნელოვან სფეროებთან თუ პირებთან.

განაცხადის ელექტრონულად გაგზავნის ბოლო ვადაა 2011წლის 6 მარტი.

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220, ტელ.: 822 29 47 11.