სტიპენდიები და გაცვლითი პროგრამები

ნიდერლანდების სამეფოს თბილისის საელჩო აცხადებს სამაგისტრო და სადოქტორო, ასევე მოკლევანიან სასწავლო კურსებზე სტიპენდიების პროგრამას.

პროგრამა მოიცავს შემდეგ მიმართულებებს:
სოფლის მეურნეობა;
•    ხე - ტყის დამუშავება და თევზჭერა;
•    არქიტექტურა და ქალაქის დაგეგმარება;
•    ხელოვნება და ჰუმანიტარული მეცნიერებანი;
•    ბიზნეს ადმინისტრირება და მენეჯმენტი;
•    განათლება და პედაგოგთა გადამზადება;
•    საინჟინრო საქმე;
•    გარემოს დაცვა;
•    სახვითი და გამოყენებითი მეცნიერებები;
•    სამართალმცოდნეობა;
•    მასობრივი კომუნიკაცია და საინფორმაციო მეცნიერებები;
•    მათემატიკა და კომპიუტერული მეცნიერებები;
•    სამედიცინო და ჯანმრთელობის დაცვის მეცნიერებები;
•    საბუნებისმეტყველო მეცნიერებები;
•    მომსახურება, ტურიზმი;
•    სოციალური და ფსიქოლოგიური მეცნიერებები;
•    ტრანსპორტი და კომუნიკაციები.

დაინტერესებული კანდიდატი უნდა აკმაყოფილებდეს შემდეგ ძირითად კრიტერიუმებს:
•    იყოს საქართველოს მოქალაქე;
•    ჰქონდეს მინიმუმ სამ წლიანი სამუშაო გამოცდილება;
•    უპირობოდ იყოს მიღებული კონკრეტული სასწავლო კურსის ნიდერლანდური უმაღლესი სასწავლებლის მიერ;
•    ოფიციალურად იყოს წარდგენილი დამსაქმებლის მიერ, რომელიც პასუხიმსგებელია კანდიდატის შრომით ანაზღაურებაზე და წარმოადგენს ოფიციალურ გარანტიას, რომ სასწავლო კურსის დასრულების შემდეგ დააბრუნებს კურსდამთავრებულს იმავე ან უფრო მაღალ პოზიციაზე;
•    არ უნდა იყოს დასაქმებული მსხვილ ინდუსტრიულ, კომერციულ, საერთაშორისო ან მულტინაციონალურ ორგანიზაციაში;
•    სრულფასოვნად ფლობდეს ინგლისურ ენას.

განაცხადების გაგზავნის ბოლო ვადები:
•    სამაგისტრო პროგრამებისთვის 2011 წლის 1 თებერვალი და 1 მაისი;
•    მოკლევადიანი კურსებისთვის 2011 წლის 1 თებერვალი, 1 მაისი და 1 ოქტომბერი;
•    სადოქტორო პროგრამებისთვის 2011 წლის 1 თებერვალი და 1 ოქტომბერი.

დამატებითი ინფორმაციისთვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის  გამზ. №32, ოთახი C 220,  ტელ.: 822 29 47 11.