სტიპენდიები და გაცვლითი პროგრამები

მაცუმის საერთაშორისო ფონდმა (The Matsumae International Foundation) გამოაცხადა სტიპენდიების პროგრამა 2012 წლისათვის.

სტიპენდია საშუალებას აძლევს მკლევრებს, განახორციელონ კვლევა იაპონიაში მათ მიერ შერჩეულ დაწესებულებაში: უნივერსიტეტების კვლევით ლაბორატორიებში, ეროვნულ კვლევით დაწესებულებებში, ასევე კერძო დაწესებულებებში, 3-დან 6 თვის განმავლობაში. ამ მიზნით ფონდმა სულ 20 სტიპენდია გამოყო.

სტიპენდიები განკუთვნილია პირებისათვის, რომლებიც არ არიან იაპონიის მოქალაქეები და აკმაყოფილებენ შემდეგ კრიტერიუმებს:

•    უნდა გააჩნდეთ დოქტორის ან მასთან გათანაბრებული აკადემიური ხარისხი;
•    მათი ასაკი უნდა იყოს 40 წლის ქვემოთ;
•    უნდა ფლობდნენ ინგლისურ ან იაპონურ ენას საკმაოდ კარგად, რათა დაუბრკოლებლად შეძლონ კვლევის განხორციელება;
•    არ უნდა იყვნენ იაპონიაში ნამყოფი;
•    უნდა ჰქონდეთ სტაბილური სამსახური და პროფესია, რათა სტიპენდიის ამოწურვის შემდეგ დაბრუნდნენ თავიანთ ქვეყანაში;
•    თუ აპლიკანტი უკვე მონაწილეობდა მაცუმის საერთაშორისო ფონდის სტიპენდიების პროგრამაში, აღარ აქვს მეორედ მასში მონაწილეობის უფლება.

პრიორიტეტული სფეროები კვლევის საწარმოებლად: საბუნებისმეტყველო მეცნიერებები, საინჟინერო საქმე და მედიცინა.

დოკუმენტების გაგზავნის ბოლო ვადაა 2011 წლის 31 აგვისტო.

დამატებითი ინფორმაციისთვის  მიმართეთ  ილიას სახელმწიფო უნივერსიტეტის სტუდენტური სერვის-ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220,  ტელ.: 822 29 47 11.