სტიპენდიები და გაცვლითი პროგრამები

კავკასიის შვეიცარიული აკადემიური ქსელი (ASCN) აცხადებს მოკლევადიან სასტიპენდიო გრანტებს ქართველი დოქტორანტურის სტუდენტებისათვის სოციალურ და ჰუმანიტარულ მეცნიერებათა მიმართულებით. პროგრამაში მონაწილე კანდიდატებს ექნებათ შესაძლებლობა გაატარონ 3 თვე ფრიბურგის უნივერსიტეტში. 

მოცემული გრანტებით სრულად ანაზღაურდება ვიზის, მგზავრობის, საცხოვრებელი ადგილისა და ყოველდღიური საჭირო ხარჯები.

დაინტერესებული კანდიდატები უნდა აკმაყოფილებდნენ შემდეგ საკვალიფიკაციო მოთხოვნებს:

•    წარმოადგენდნენ საქართველოს მოქალაქეებს;
•    ფლობდნენ  სოციალურ ან ჰუმანიტარულ მეცნიერებათა  დოქტორის ხარისხს ან სწავლობდნენ დოქტორანტურაში;
•    სპეციალიზაციის სფეროდ არჩეული ჰქონდეთ ჰუმანიტარული ან სოციალური მეცნიერებები;
•    სრულფასოვნად ფლობდნენ ინგლისურ, გერმანულ ან/და ფრანგულ ენებს.

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის, დასაქმებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220,  ტელ.: 822 29 47 11.