სტიპენდიები და გაცვლითი პროგრამები

კავკასიის კვლევითი რესურსების ცენტრი აცხადებს სტიპენდიის პროგრამას კვლევითი ტრენინგისათვის.

პროგრამის მონაწილეს შესაძლებლობა ექნება:
•    განავითაროს პრობლემატური საკითხების სწრაფი და სრულფასოვანი ანალიზის/გადაწყვეტის უნარი;
•    სრულყოფილად დაეუფლოს ინგლისურ ენას (წერა);
•    შეიძინოს გამოცდილება პროექტის მენეჯმენტსა და საორგანიზაციო საკითხებში;
•    სრულყოფილად შეისწავლოს კომპიუტერული პროგრამები, მათ შორის სტატისტიკური პროგრამები;
•    ურთიერთობები დაამყაროს გამოცდილების მქონე საზოგადო მოღვაწეებთან.

ცხრა თვის განმავლობაში კანდიდატი მიიღებს სტიპენდიას  ყოველთვიურად 400 ამერიკული დოლარის ოდენობით.

მოვალეობები:
•    პოლიტიკური კურსის ანალიზი;
•    მონაწილეობა საერთო კვლევით პროექტებში (საქართველოს მომავალისათვის დიდი მნიშვნელობის მქონე საკითხებში);
•    დაძაბულ რეჟიმში მუშაობა;
•    სწავლა;
•    აქტიურობა როგორც  ჯგუფში, ასევე დამოუკიდებლად;

საჭირო მოთხოვნები:
•    მინიმუმ ბაკალავრის ხარისხი;
•    ასაკი: 20-30 წელი;
•    2011 წლის იანვრის შუა რიცხვებიდან ოქტომბრის თვის ჩათვლით დღეში მინიმუმ ექვსი საათი მუშაობის შესაძლებლობა;
•    ინგლისური ენის სრულყოფილი ცოდნა;
•    ქართული ენის სრულყოფილი ცოდნა (მართლწერა). 

განაცხადების გაგზავნის ბოლო ვადაა 2010 წლის 30 ნოემბერი.

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220,  ტელ.: 822 29 47 11.