სტიპენდიები და გაცვლითი პროგრამები

ევროპის მოლეკულური ბიოლოგიის ორგანიზაცია ევროსაბჭოს მე-7 ჩარჩო პროგრამის ფარგლებში აცხადებს ღია კონკურსს მოკლევადიან და გრძელვადიან სტიპენდიებზე.

კვლევის სფეროები მოიცავს ბიოლოგიას, ბოტანიკას, ზოოლოგიას, მიკრობიოლოგიასა და გენეტიკას.

გრძელვადიანი სტიპენდიები (EMBO Long-Term Fellowships) გაიცემა მაქსიმუმ 2 წლის ვადით პოსტ-სადოქტორო კვლევების განსახორციელებლად ორგანიზაციის წევრი ქვეყნების კვლევით დაწესებულებებში.

განაცხადების შეტანის ბოლო ვადა არის ყოველი წლის 15 თებერვალი ან 15 აგვისტო.

მოკლევადიანი სტიპენდიები (EMBO Short-Term Fellowships) გაიცემა სამეცნიერო ვიზიტებისთვის მაქსიმუმ 3 თვის ვადით.

განაცხადები უნდა გაიგზავნოს დაგეგმილ ვიზიტამდე 3 თვით ადრე.

სააპლიკაციო ფორმები და დამატებითი ინფორმაცია იხილეთ ბმულზე http://www.embo.org/programmes/fellowships.html

ან მიმართეთ ილიას სახელმწიფო უნივერსიტეტის განვითარებისა და საგარეო ურთიერთობების სამსახურს.