სტიპენდიები და გაცვლითი პროგრამები

ესპანეთის ქალაქ ბარსელონის ბიზნესის მარკეტინგისა და კომუნიკაციის საერთაშორისო სკოლა აცხადებს კონკურსს შესაბამის მიმართულებებში ბაკალავრის აკადემიური ხარისხის მფლობელი სტუდენტებისთვის სამაგისტრო სასწავლო კურსების გასავლელად. პროგრამა მოიცავს შემდეგ მიმართულებებს: საერთაშორისო ბიზნეს - ადმინისტრირება, ბიზნესის მენეჯმენტი (მართვა), მარკეტინგის მენეჯმენტი, ბიზნეს - კომუნიკაცია, საერთაშორისო ვაჭრობა და საერთაშორისო მარკეტინგი.

პროგრამა ნაწილობრივ ფასიანია, თუმცა წარჩინებული კანდიდატებისთვის შესაძლებელია სასწავლო გადასახადის სოლიდური ნაწილის ამანაზღაურებელი დაფინანსების მოპოვება. პროგრამა ტარდება ინგლისურ ენაზე.

დაინტერესებულმა კანდიდატებმა ელექტრონულად უნდა გაგზავნონ შემდეგი დოკუმენტაცია:
•    სრულად შევსებული სააპლიკაციო ფორმა;
•    საზღვარგარეთის პასპორტის ორიგინალი და ფოტოასლი (ორიგინალის წარდგენა მოხდება პირადად);
•    სტუდენტური ვიზის ორიგინალი და ფოტოასლი (ორიგინალის წარდგენა მოხდება პირადად);
•    თვითმფრინავის ბილეთისა ან საზღვრის გადაკვეთის ნებართვის ფოტოასლი;
•    სკოლაში სტუდენტის მიღების დამადასტურებელი თანხმობის წერილი.

პროგრამაზე განაცხადების გაგზავნის ზუსტი ბოლო ვადა განსაზღვრული არ არის. განაცხადები მიიღება ადგილების შევსებამდე.

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის-ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 219,  ტელ.: 822 29 47 11.