სტიპენდიები და გაცვლითი პროგრამები

სტუდენტებისათვის ცხადდება ერასმუს მუნდუსის სამაგისტრო პროგრამა 2011-2013 სასწავლო წლისათვის. ე.წ. „მესამე ქვეყნების სტუდენტებისთვის“ დაწესებულია A კატეგორიის სტიპენდიები, რომელთა ოდენობა მთელი პროგრამის მანძილზე შეადგენს 48.000 ევროს. პროგრამა აერთიანებს შემდეგ უნივერსიტეტებს:
•    საფრანგეთი - ნანტის უნივერსიტეტი;
•    ესპანეთი - მადრიდის პოლიტექნიკური უნივერსიტეტი;
•    შვედეთი - სამეფო ტექნოლოგიური ინსტიტუტი;
•    უნგრეთი - ბუდაპეშტის ტექნოლოგიისა და ეკონომიკის უნივერსიტეტი;
•    დიდი ბრიტანეთი - ჩრდილოეთ ირლანდიის ბელფასტის უნივერსიტეტი.

პროგრამის ხანგრძლივობა: ორი წელი.

დაინტერესებული კანდიდატები უნდა ფლობდნენ მინიმუმ ბაკალავრის ხარისხს საინჟინრო მეცნიერებებსა ან მონათესავე სამეცნიერო - ტექნიკურ დისციპლინებში.

პროგრამაში მონაწილეობისა და სტიპენდიის მოპოვების მსურველმა კანდიდატებმა ელექტრონულად უნდა გაგზავნონ შემდეგი დოკუმენტაცია:
•    სააპლიკაციო ფორმა;
•    ერასმუს მუნდუსის სტიპენდიის სააპლიკაციო ფორმა;
•    ევროპული მოდელის სრულყოფილი რეზიუმე (CV) ინგლისურ ენაზე;
•    აკადემიური ხარისხის ფლობის დამადასტურებელი დოკუმენტაციისა და უკანასკნელი 4 წლის განმავლობაში მიღებული შეფასებების დამადასტურებელი დოკუმენტაცია (ინგლისურ თარგმანთან ერთად);
•    ორი სარეკომენდაციო წერილი ინგლისურ ენაზე (ერთ - ერთი მაინც აუცილებლად აკადემიური პერსონალის წარმომადგენლისაგან);
•    სამოტივაციო წერილი მომავალი კარიერული მიზნების შესახებ (მაქსიმუმ 2000 სიტყვა);
•    ინგლისური ენის სერტიფიკატი (TOEFL ან იელტური შეფასება);
•    საზღვარგარეთის პასპორტის იმ გვერდის ასლი, რომელიც შეიცავს კანდიდატის ვინაობას, პასპორტის ნომერსა და ფოტოს;
•    პასპორტის ზომის 2 ფოტო კანდიდატის სახელის, გვარისა და სამშობლოს დასახელებით;

განაცხადის ელექტრონულად გაგზავნის ბოლო ვადაა 2010 წლის 22 დეკემბერი.

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220,  ტელ.: 822 29 47 11.