სიახლეები სტუდენტებისთვის

3 ივნისს, 11:00 საათზე, ილიას სახელმწიფო უნივერსიტეტის წიგნის სახლში „ლიგამუსი“ გაიმართება საერთაშორისო ვორქშოფი „საუნივერსიტეტო რეფორმის სოციოკულტურული ასპექტები საქართველოში: უნივერსიტეტი სტაბილური საზოგადოებისათვის“.

ვორქშოფი ილიას სახელმწიფო უნივერსიტეტისა და კენტის უნივერსიტეტის თანამშრომლობით ტარდება. სადისკუსიოდ მოწვეულნი არიან მკვლევრები ჰუმანიტარული და სოციალური მეცნიერებების სფეროდან, ქართული და ევროპული უნივერსიტეტებიდან: ილიას სახელმწიფო უნივერსიტეტი, საქართველო; კენტის უნივერსიტეტი, დიდი ბრიტანეთი; რურის უნივერსიტეტი, ბოხუმი, გერმანია; საქართველოს უნივერსიტეტი, საქართველო.

სამუშაო ენები: ქართული, ინგლისური

დრო: 3 ივნისი, 11:00 საათი

ადგილმდებარეობა: წიგნის სახლი „ლიგამუსი“ (ი. ჭავჭავაძის გამზ. N32)

დასწრება თავისუფალია.