მიღება მეცნიერებათა და ხელოვნების ფაკულტეტის სამაგისტრო პროგრამებზე 2023-2024 სასწავლო წლის შემოდგომის სემესტრისთვის
მეცნიერებათა და ხელოვნების ფაკულტეტი 2023-2024 სასწავლო წლისათვის აცხადებს მიღებას შემდეგ სამაგისტრო პროგრამებზე:
მისაღები ადგილების რაოდენობა პროგრამების მიხედვით იხილეთ აქ.
შენიშვნა: ზეპირი გამოცდის/ტესტირების/ესეს/სამოტივაციო წერილის კრიტერიუმები იხილეთ თითოეული პროგრამის გასწვრივ.
მნიშვნელოვანი ინფორმაცია: შიდასაუნივერსიტეტო გამოცდები ილიას სახელმწიფო უნივრსიტეტში. ინგლისური ენის ტესტირება B2 კომპეტენციის დასადგენად პროგრამებზე „პოლიტიკის მეცნიერება და საერთაშორისო ურთიერთობები“, „რეგიონული კვლევები (ევროპისმცოდნეობა, კავკასიის კვლევები)“, „საჯარო პოლიტიკის ადმინისტრირება“ და „თანამედროვე საქართველოს ისტორია“ ჩატარდება 2023 წლის 2 სექტემბერს 15:00 საათზე ინფორმაცია აუდიტორიების შესახებ განთავსდება ილიაუნის ვებ გვერდზე არაუგვიანეს 1 სექტემრისა. გერმანული ენის ტესტირება B2 კომპეტენციის დასადგენად პროგრამაზე „გერმანიის კვლევები - კულტურა, პოლიტიკა, საზოგადოება“ ჩატარდება 2023 წლის 4 სექტემბერს.
მეცნიერებათა და ხელოვნების ფაკულტეტის სამაგისტრო საფეხურზე ჩარიცხვის მსურველთა საბუთების მიღება იწარმოებს ელექტრონულად 2023 წლის 14-დან 30 აგვისტოს 18:00 საათამდე შემდეგ ბმულზე https://argus.iliauni.edu.ge/ka/registration/masters.
შიდასაუნივერსიტეტო გამოცდები პროგრამების მიხედვით გარდა პროგრამისა „ცოცხალი თეატრის ხელოვნება: დადგმა და თამაში“ ჩატარდება 2023 წლის 2 სექტემბრიდან 8 სექტემბრის ჩათვლით; შიდასაუნივერსიტეტო გამოცდები პროგრამაზე „ცოცხალი თეატრის ხელოვნება: დადგმა და თამაში“ ჩატარდება 2023 წლის 1 სექტემბრიდან 7 სექტემბრის ჩათვლით.
დეტალური ინფორმაცია მაგისტრანტობის კანდიდატთა სიების, გამოცდების ზუსტი თარიღებისა და საგამოცდო აუდიტორიების მითითებით გარდა პროგრამისა „ცოცხალი თეატრის ხელოვნება: დადგმა და თამაში“ აიტვირთება ილიაუნის ვებგვერდზე – არაუგვიანეს 1 სექტემბრისა; დეტალური ინფორმაცია მაგისტრანტობის კანდიდატთა სიების, გამოცდების ზუსტი თარიღებისა და საგამოცდო აუდიტორიების მითითებით სამაგისტრო პროგრამაზე „ცოცხალი თეატრის ხელოვნება: დადგმა და თამაში“ აიტვირთება ილიაუნის ვებგვერდზე – არაუგვიანეს 31 აგვისტოსი;
მიმართულება: ჰუმანიტარული მეცნიერებები
1. ანგლისტიკა - შიდასაუნივერსიტეტო გამოცდა: ზეპირი გამოცდა
2. რომანული ფილოლოგია – შიდასაუნივერსიტეტო გამოცდა: ესეი, ზეპირი გამოცდა
3. გერმანიის კვლევები - კულტურა, პოლიტიკა, საზოგადოება - შიდასაუნივერსიტეტო გამოცდა: ტესტირება გერმანულ ენაში, ზეპირი გამოცდა
შენიშვნა: თუკი აპლიკანტი ვერ გადალახავს გერმანული ენის ტესტის მინიმალურ ზღვარს, ავტომატურად გამოეთიშება კონკურსს.
4. შედარებითი ლიტერატურათმცოდნეობა - შიდასაუნივერსიტეტო გამოცდა: ზეპირი გამოცდა
5. გამოყენებითი ენათმეცნიერება - შიდასაუნივერსიტეტო გამოცდა: ზეპირი გამოცდა
6. ფილოსოფია - შიდასაუნივერსიტეტო გამოცდა: წერითი გამოცდა, ზეპირი გამოცდა
შენიშვნა: ფილოსოფიის სამაგისტრო მიღებაზე ჩარიცხვის მსურველებმა რეგისტრაციისას სხვა მოთხოვნილ დოკუმენტებთან ერთად უნდა ატვირთონ სასწავლო ბარათი (ნიშნების ფურცელი).
7. შუა საუკუნეების კვლევები - შიდასაუნივერსიტეტო გამოცდა: ზეპირი გამოცდა
შენიშვნა: შუა საუკუნეების კვლევების სამაგისტრო პროგრამაზე ჩარიცხვის მსურველებმა რეგისტრაციისას სხვა მოთხოვნილ დოკუმენტებთან ერთად უნდა ატვირთონ რეზიუმე (CV).
8. არქეოლოგია - შიდასაუნივერსიტეტო გამოცდა: ზეპირი გამოცდა
9. თანამედროვე საქართველოს ისტორია - შიდასაუნივერსიტეტო გამოცდა: ტესტირება ინგლისურ ენაში, ზეპირი გამოცდა
შენიშვნა: თანამედროვე საქართველოს ისტორიის სამაგისტრო პროგრამაზე ჩარიცხვის მსურველებმა რეგისტრაციისას სხვა მოთხოვნილ დოკუმენტებთან ერთად უნდა ატვირთონ რეზიუმე (CV) და სამოტივაციო ესეი (400-სიტყვიანი).
ინგლისური ენის გამოცდა ჩატარდება უნივერსიტეტში, დამატებითი ინფორმაცია განთავსდება არა უგვიანეს 1 სექტემბრისა, ინგლისური ენის გამოცდა ჩატარდება 2023 წლის 2 სექტემბერს.
თუკი აპლიკანტი ვერ გადალახავს ინგლისური ენის ტესტის მინიმალურ ზღვარს (71% და მეტი), ავტომატურად გამოეთიშება კონკურსს. ენის ცოდნის დამადასტურებელი საერთაშორისო სერტიფიკატი ათავისუფლებს აპლიკანტს ინგლისური ენის გამოცდისგან (სერტიფიკატის (B2) წარმოდგენის შემთხვევაში უნდა დადასტურდეს, რომ აპლიკანტმა გამოცდა ჩააბარა და მიიღო საერთო ქულების 71 და მეტი პროცენტი, ან უნდა ჰქონდეს C 1 დონის სერტიფიკატი).
10. ლექსიკოგრაფია, ტერმინოლოგია და თანამედროვე ტექნოლოგიები - შიდასაუნივერსიტეტო გამოცდა: ზეპირი გამოცდა
ინგლისურენოვანი სტატიის ნიმუში - დანართი
სამაგისტრო გამოცდის საკითხავი მასალა 2023-2024 წლის მიღებისთვის
მიმართულება: ხელოვნება
11. სახელოვნებო თეორიისა და პრაქტიკის კვლევები – შიდასაუნივერსიტეტო გამოცდა: ზეპირი გამოცდა
შენიშვნა: მიღება ცხადდება პროგრამის მხოლოდ კინომცოდნეობის მიმართულებაზე.
მიმართულება: სოციალური მეცნიერებები (გარდა ეკონომიკისა)
12. ფსიქოლოგია (სოციალური ფსიქოლოგია, განათლების ფსიქოლოგია, კლინიკური ფსიქოლოგია) – შიდასაუნივერსიტეტო გამოცდა: წერითი გამოცდა
ინგლისურენოვანი სტატიის ნიმუში - დანართი 1, დანართი 2
სამაგისტრო გამოცდის საკითხავი მასალა 2023-2024 წლის მიღებისთვის
შენიშვნა: წერითი გამოცდა ჩატარდება ილიას სახელმწიფო უნივერსიტეტში. გთხოვთ, რეგისტრაციის დროს გამოიყენოთ აქტიური ელფოსტა. კლინიკური ფსიქოლოგიის მიმართულებაზე ჩაბარების მსურველს უნდა ჰქონდეს ბაკალავრის ხარისხი ფსიქოლოგიაში, ხოლო განათლებისა და სოციალური ფსიქოლოგიის მიმართულებაზე ჩაბარების მსურველებს შეუძლიათ ჰქონდეთ ბაკალავრის ხარისხი სხვა სფეროშიც.
ასევე, ფსიქოლოგიის სამაგისტრო პროგრამაზე სწავლის მსურველმა საერთო სამაგისტრო გამოცდის ოთხივე ნაწილში უნდა მიიღოს დადებითი შეფასება და მის მიერ მიღებული ქულა არ უნდა იყოს 9 ქულაზე ნაკლები ტესტის ორ ნაწილში მაინც.
შიდასაუნივერსიტტეტო გამოცდი ფარგლებში მოწმდება სტუდენტის ინგლისური ენის კომპეტენცია (B2 დონე) და დარგობრივი ცოდნა.
13. კომუნიკაციის, ენისა და მეტყველების თერაპია – შიდასაუნივერსიტეტო გამოცდა: ზეპირი გამოცდა
შენიშვნა: კომუნიკაციის, ენისა და მეტყველების თერაპიის სამაგისტრო პროგრამაზე ჩარიცხვის მსურველებმა რეგისტრაციისას სხვა მოთხოვნილ დოკუმენტებთან ერთად უნდა ატვირთონ რეზიუმე (CV).
14. პოლიტიკის მეცნიერება და საერთაშორისო ურთიერთობები – შიდასაუნივერსიტეტო გამოცდა: ტესტირება ინგლისურ ენაში (ინგლისური ენის ტესტის ნიმუში), ზეპირი გამოცდა.
შენიშვნა: თუ აპლიკანტი ვერ გადალახავს ინგლისური ენის კომპონენტს, ეთიშება კონკურსს.
15. საჯარო პოლიტიკის ადმინისტრირება – შიდასაუნივერსიტეტო გამოცდა: ტესტირება ინგლისურ ენაში (ინგლისური ენის ტესტის ნიმუში), ზეპირი გამოცდა.
შენიშვნა: თუ აპლიკანტი ვერ გადალახავს ინგლისური ენის კომპონენტს, ეთიშება კონკურსს.
16. რეგიონული კვლევები (ევროპისმცოდნეობა, კავკასიის კვლევები) - შიდასაუნივერსიტეტო გამოცდა: ტესტირება ინგლისურ ენაში (ინგლისური ენის ტესტის ნიმუში), ზეპირი გამოცდა.
შენიშვნა: თუ აპლიკანტი ვერ გადალახავს ინგლისური ენის კომპონენტს, ეთიშება კონკურსს.
17. ადიქციის კვლევები – შიდასაუნივერსიტეტო გამოცდა:
- ზეპირი გამოცდა/განაცხადი შეფასების კრიტერიუმები
- განაცხადის ფორმა (ადიქციის კვლევების პროგრამის მაგისტრანტობის კანდიდატებმა უნდა ჩამოტვირთონ მოცემული განაცხადის ფორმა, შეავსონ და რეგისტრაციისას ატვირთონ სარეგისტრაციო ბმულზე სხვა მოთხოვნილ დოკუმენტებთან ერთად)
შენიშვნა: ადიქციის კვლევების სამაგისტრო პროგრამაზე ჩარიცხვის მსურველებმა რეგისტრაციისას სხვა მოთხოვნილ დოკუმენტებთან ერთად უნდა ატვირთონ რეზიუმე (CV) ქართულ ენაზე.
18. სოციოლოგია - შიდასაუნივერსიტეტო გამოცდა: ზეპირი გამოცდა, ინგლისური ენის ტესტის ნიმუში
სამაგისტრო გამოცდის საკითხავი მასალა 2023-2024 წლის მიღებისთვის
ინგლისურენოვანი დარგობრივი ტექსტის ნიმუში 1, ნიმუში 2, ნიმუში 3
შენიშვნა: ინგლისური ენის საგამოცდო ტექსტის ნიმუშები განთავსდება წინასწარ, ილიას სახელმწიფო უნივერსიტეტის ვებ-გვერდზე, „მიღება“. თუ აპლიკანტი ვერ გადალახავს ინგლისური ენის კომპონენტს, აპლიკანტი ეთიშება კონკურსს. სოციოლოგიის სამაგისტრო პროგრამაზე სწავლის მსურველმა საერთო სამაგისტრო გამოცდის ოთხივე ნაწილში უნდა მიიღოს დადებითი შეფასება.
19. რელიგიის კვლევები - შიდასაუნივერსიტეტო გამოცდა: ზეპირი გამოცდა
შენიშვნა: რელიგიის კვლევების სამაგისტრო პროგრამაზე ჩარიცხვის მსურველებმა რეგისტრაციისას სხვა მოთხოვნილ დოკუმენტებთან ერთად უნდა ატვირთონ რეზიუმე (CV).
რელიგიის კვლევების სამაგისტრო პროგრამაზე სტიპენდიის მოპოვების მსურველებმა გასაუბრებამდე უნდა წარმოადგინოს სამომავლო კვლევის მოკლე ექსპოზე და გამოგზავნონ 2023 წლის 3 სექტემბრამბრის ჩათვლით შემდეგ მისამართზე: sopiko.zviadadze@iliauni.edu.ge.
სტიპენდიისთვის შესავსები ფორმა იხილეთ აქ.
20. სოციალური მუშაობა - შიდასაუნივერსიტეტო გამოცდა: ზეპირი გამოცდა
შენიშვნა: სოციალური მუშაობის სამაგისტრო პროგრამაზე ჩარიცხვის მსურველებმა რეგისტრაციისას სხვა მოთხოვნილ დოკუმენტებთან ერთად უნდა წარმოადგინონ/ატვირთონ 2 რეკომენდატორი (საკონტაქტო ინფორმაცია), CV და სამოტივაციო წერილი.
გაითვალისწინეთ: CV-ში აუცილებლად უნდა იყოს მითითებული 2 რეკომენდატორის სახელი და გვარი, ტელეფონის ნომერი და ელფოსტის მისამართი.
მიმართულება: ჯანდაცვა
21. ფსიქიკური ჯანმრთელობა - შიდასაუნივერსიტეტო გამოცდა: ზეპირი გამოცდა
შენიშვნა: ფსიქიკური ჯანმრთელობის სამაგისტრო პროგრამაზე ჩარიცხვის მსურველმა აპლიკანტებმა, სხვა მოთხოვნილ დოკუმენტებთან ერთად, რეგისტრაციისას უნდა ატვირთონ შესაბამისი ფსიქიკური ჯანმრთელობის დაწესებულების/დაწესებულებების მიერ გაცემული, მინიმუმ 2-წლიანი პრაქტიკული გამოცდილების დამადასტურებული დოკუმენტი/დოკუმენტები (არ არის სავალდებულო აპლიკანტს 2-წლიანი პრაქტიკა ჰქონდეს უწყვეტად ფსიქიკური ჯანმრთელობის ერთ დაწესებულებაში).
მიმართულება: შემოქმედებითი (საერთო სამაგისტრო გამოცდების გარეშე)
22. ცოცხალი თეატრის ხელოვნება: დადგმა და თამაში - შიდასაუნივერსიტეტო გამოცდა:
- ინტერვიუ აპლიკანტთან, რომელიც მოიცავს სამოტივაციო წერილის, შემოქმედებითი რეზიუმესა და პორტფოლიოს განხილვას და რომლის დროსაც მოწმდება ინგლისური ენის ცოდნის დონე;
- შემოქმედებითი ტური;
- ჯგუფური გამოცდა რეჟისორებისა და მსახიობებისათვის.
შენიშვნა: სამაგისტრო პროგრამაზე „ცოცხალი თეატრის ხელოვნება: დადგმა და თამაში“ ჩარიცხვის მსურველებმა რეგისტრაციისას სხვა მოთხოვნილ დოკუმენტებთან ერთად უნდა ატვირთონ:
- შემოქმედებითი რეზიუმე
- პორტფოლიო, რომელიც მოიცავს შემოქმედებითი საქმიანობის დასაბუთებას (ფოტოვიდეო მასალა, შესაბამისი ლინკები და ა.შ).
(იმ შემთხვევაში, თუ მაგისტრანტობის მსურველს არ აქვს გამოცდილება და პორტფოლიოს ვერ წარმოადგენს, რეგისტრაციის გავლისათვის შესაბამის გრაფაში უნდა ატვირთოს მხოლოდ ცარიელი Pdf-ფაილი). - სამოტივაციო წერილი
რეგისტრაცია
მეცნიერებათა და ხელოვნების ფაკულტეტის სამაგისტრო საფეხურზე ჩარიცხვის მსურველთა საბუთების მიღება იწარმოებს ელექტრონულად 2023 წლის 14 აგვისტოდან 30 აგვისტოს 18:00 საათამდე შემდეგ ბმულზე https://argus.iliauni.edu.ge/ka/registration/masters.
რეგისტრაციის ზოგადი ინსტრუქცია იხილეთ აქ.
რეგისტრაციის დაწყებამდე მაგისტრანტობის კანდიდატებს აუცილებლად მზად უნდა ჰქონდეთ ყველა ასატვირთი დოკუმენტი, წინააღმდეგ შემთხვევაში რეგისტრაციას ვერ გაივლიან, არასწორად ატვირთული დოკუმენტის შემთხვევაში რეგისტრაცია გაუქმდება! მცდარი დოკუმენტის წარმოდგენის შემთხვევაში აპლიკანტს ეკისრება პასუხისმგებლობა! ასატვირთი დოკუმენტების სია განსხვავებულია პროგრამების მიხედვით.
შიდასაუნივერსიტეტო გამოცდების ჩატარებისა და შედეგების გამოცხადების ვადები
შიდასაუნივერსიტეტო გამოცდები პროგრამების მიხედვით გარდა პროგრამისა „ცოცხალი თეატრის ხელოვნება: დადგმა და თამაში“ ჩატარდება 2023 წლის 2 სექტემბრიდან 8 სექტემბრის ჩათვლით; შიდასაუნივერსიტეტო გამოცდები პროგრამაზე „ცოცხალი თეატრის ხელოვნება: დადგმა და თამაში“ ჩატარდება 2023 წლის 1 სექტემბრიდან 7 სექტემბრის ჩათვლით.
გარდა პროგრამისა „ცოცხალი თეატრის ხელოვნება: დადგმა და თამაში“ აიტვირთება ილიაუნის ვებგვერდზე – არაუგვიანეს 1 სექტემბრისა; დეტალური ინფორმაცია მაგისტრანტობის კანდიდატთა სიების, გამოცდების ზუსტი თარიღებისა და საგამოცდო აუდიტორიების მითითებით სამაგისტრო პროგრამაზე „ცოცხალი თეატრის ხელოვნება: დადგმა და თამაში“ აიტვირთება ილიაუნის ვებგვერდზე – არაუგვიანეს 31 აგვისტოსი;
შიდასაუნივერსიტიტეტო გამოცდების შედეგები უნივერსიტეტის ვებგვერდზე გამოქვეყნდება არაუგვიანეს 2023 წლის 9 სექტემბერს.
სააპელაციო პროცედურები
მაგისტრანტობის კანდიდატმა საპრეტენზიო განაცხადი ილიას სახელმწიფო უნივერსიტეტის მეცნიერებათა და ხელოვნების ფაკულტეტის მიერ ჩატარებული გამოცდების შედეგების შესახებ უნდა გადმოგზავნოს 2023 წლის 10 სექტემბრის 10:00 საათიდან 11 სექტემბრის 18:00 საათამდე მეცნიერებათა და ხელოვნების ფაკულტეტის ელექტრონულ ფოსტაზე graduateschool@iliauni.edu.ge (სააპელაციო განაცხადის ფორმა იხილეთ აქ)
საპრეტენზიო განაცხადებს განიხილავს შესაბამისი მიმართულების სააპელაციო კომისია.
საპრეტენზიო განაცხადების საფუძველზე დანიშნული განმეორებითი გამოცდა და/ან ესეების//ტესტების/სამოტივაციო წერილების განმეორებითი განხილვა შედგება 2023 წლის 13-14 სექტემბერს.
პროგრამების მიხედვით სააპელაციო გამოცდების განრიგის და ადგილმდებარეობის შესახებ ინფორმაცია განთავსდება უნივერსიტეტის ვებგვერდზე არაუგვიანეს 2023 წლის 12 სექტემბრისა.
მნიშვნელოვანი ინფორმაცია!
გთხოვთ, გაითვალისწინოთ, რომ საპრეტენზიო საბჭო განიხილავს მხოლოდ იმ საპრეტენზიო განაცხადებს, რომლებშიც მკაფიოდ და არგუმენტირებულად იქნება წარმოდგენილი აპელაციის კონკრეტული მიზეზი/მიზეზები.
შედეგების გამოცხადება
მაგისტრანტობის კანდიდატთა რეიტინგული სიები, აპელაციის შედეგების გათვალისწინებით (ჩასარიცხ კანდიდატთა ძირითადი და სათადარიგო სიები), საიდენტიფიკაციო კოდის მითითებით, გამოქვეყნდება უნივერსიტეტის ვებგვერდზე 2023 წლის 15 სექტემბერს.
ხელშეკრულებების გაფორმება
ხელშეკრულებების გაფორმება მაგისტრანტობის იმ კანდიდატებთან, რომლებმაც წარმატებით გაიარეს ერთიანი სამაგისტრო და შიდასაუნივერსიტეტო გამოცდები და რეიტინგული სიის მიხედვით მოიპოვეს ილიას სახელმწიფო უნივერსიტეტის სამაგისტრო საფეხურზე სწავლის გაგრძელების უფლება, განხორციელდება 2023 წლის 16 სექტემბრიდან 2023 წლის 21 სექტემბრის ჩათვლით, 10:00 საათიდან 18:00 საათამდე ილიას სახელმწიფო უნივერსიტეტში (მისამართი: ილია ჭავჭავაძის გამზ. N32)
ა) ძირითადი სიის წარმომადგენლებთან ხელშეკრულების გაფორმება იწარმოებს 16 და 18 სექტემბერს;
ბ) სათადარიგო სიის წარმომადგენლებთან ხელშეკრულების გაფორმება იწარმოებს 20 და 21 სექტემბერს.
სათადარიგო სიაში მყოფ კანდიდატთა საყურადღებოდ !
იმ შემთხვევაში, თუ პროგრამებზე განსაზღვრული მისაღები რაოდენობა არ შეივსება ძირითადი სიებიდან და დარჩება ვაკანტური ადგილები, 19 სექტემბერს ფაკულტეტის წარმომადგენელი ხელშეკრულებების გაფორმების მიზნით რეგისტრაციისას მითითებულ ტელეფონის ნომრებზე დაუკავშირდება სათადარიგო სიის კანდიდატებს რეიტინგის მიხედვით, დარჩენილი ვაკანტური ადგილების რაოდენობის შესაბამისად.
მაგისტრანტობის კანდიდატმა ხელშეკრულების გასაფორმებლად უნდა წარმოადგინოს ყველა ის დოკუმენტი, რომლებიც ჰქონდა მოთხოვნილი რეგისტრაციის ეტაპზე (მათ შორის ის დოკუმენტიც, რომელსაც მაგისტრანტობის კანდიდატისთვის სასურველი პროგრამა შეიძლება ითხოვდეს: cv/სამოტივაციო წერილი/ესეი):
ა) უმაღლესი განათლების დამადასტურებელი დოკუმენტის – დიპლომის სანოტარო წესით დამოწმებული ასლი. უცხოეთში მიღებული უმაღლესი განათლების შემთხვევაში – განათლების ხარისხის განვითარების ეროვნული ცენტრის მიერ გაცემული განათლების აღიარების დოკუმენტი;
ბ) მაგისტრანტობის კანდიდატმა, რომელსაც უმაღლეს საგანმანათლებლო დაწესებულებაში ჩარიცხვის მომენტისათვის არ გააჩნია კანონმდებლობით დადგენილი წესით აღიარებული აკადემიური უმაღლესი განათლების დამადასტურებელი დოკუმენტი – დიპლომი, შესაძლოა წარმოადგინოს უმაღლესი საგანმანათლებლო დაწესებულების მიერ ბაკალავრის აკადემიური ხარისხის მინიჭების თაობაზე გაცემული ცნობა, რომელშიც მითითებული უნდა იყოს კვალიფიკაციის მინიჭების შესახებ გადაწყვეტილების (ოქმის) ნომერი და თარიღი, იმ პირობით, რომ ჩარიცხვიდან ერთი სემესტრის დასრულებამდე წარმოადგენს კანონმდებლობით დადგენილი წესით აღიარებულ აკადემიური უმაღლესი განათლების დამადასტურებელ დოკუმენტს – დიპლომს;
გ) ხელშეკრულებაზე ხელმოწერის მიზნით საბუთების მინდობილი პირის მიერ წარმოდგენის შემთხვევაში, მინდობილმა პირმა უნდა წარმოადგინოს სანოტარო წესით გაფორმებული მინდობილობა;
დ) ფაკულტეტების/სკოლის მოთხოვნის შემთხვევაში სსიპ განათლების ხარისხის განვითარების ეროვნული ცენტრის მიერ გაცემული საგანმანათლებლო დოკუმენტის ნამდვილობის დადასტურების დოკუმენტი;
ე) 1 ფოტოსურათი ზომით 3X4.
შენიშვნა: იმ შემთხვევაში, თუ მაგისტრანტობის კანდიდატის ნაცვლად ხელშეკრულებას აფორმებს მინდობილი პირი, მან თან უნდა იქონიოს ნოტარიული წესით დამოწმებული მინდობილობა.
იმ შემთხვევაში, თუ მაგისტრანტობის კანდიდატი დარეგისტრირებულია ორ ან მეტ სამაგისტრო პროგრამაზე, ხელშეკრულება გაფორმდება მხოლოდ ერთ პროგრამაზე.
მნიშვნელოვანი ინფორმაცია!
მაგისტრანტობის კანდიდატები, რომლებიც შესაბამის ვადებში არ გააფორმებენ ხელშეკრულებას, დაკარგავენ უნივერსიტეტში ჩარიცხვის უფლებას, გარდა საქართველოს კანონმდებლობით გათვალისწინებული შემთხვევებისა.
საკონტაქტო ინფორმაცია:
საკონტაქტო პირი: თინათინ ასანიშვილი
ილიაუნის მეცნიერებათა და ხელოვნების ფაკულტეტის საინფორმაციო ცენტრის კოორდინატორი
ტელ.: 2 22 00 09 (შიდა ნომერი 430)
ელფოსტა: tinatin.asanishvili@iliauni.edu.ge
საკონტაქტო პირი: მარიამ ჩორგოლაშვილი
ილიაუნის მეცნიერებათა და ხელოვნების ფაკულტეტის საქმისმწარმოებელი
ელფოსტა: graduateschool@iliauni.edu.ge