სიახლეები

გამოცხადდა ბულგარეთის  რესპუბლიკის მიერ დაფინანსებული საგრანტო კონკურსი საქართველოს მონაწილეობით.

კონკურსის მიზანია საქართველოს ევროკავშირთან ინტეგრაციის მხარდაჭერა და ორმხრივი თანამშრომლობის განვითარება.

პროექტი უზრუნველყოფს

• დემოკრატიზაციის, კარგი მმართველობისა და ადამიანის უფლებების სფეროში, განსაკუთრებით კი ბავშვების, ქალების, შეზღუდული შესაძლებლობის მქონე პირების და სხვა დაუცველი ჯგუფებისთვის, შესაძლებლობების გაძლიერებისა და განვითარების მხარდაჭერას;
• ხარისხიანი და ხელმისაწვდომი განათლების ხელშეწყობას;
• გენდერულ თანასწორობას.

კონკურსის პრიორიტეტული მიმართულებები:

• ინკლუზიური და ხარისხიანი განათლების უზრუნველყოფა (სასკოლო ინფრასტრუქტურის გაუმჯობესების ჩათვლით);
• საჭიროების მქონე ადამიანების დახმარება და ქალთა გაძლიერება;
• რეგიონული (განსაკუთრებით მთიანი რეგიონების) განვითარების ხელშეწყობა.

პროექტი შესაძლოა მოიცავდეს შემდეგ აქტივობებს:

• არსებული ან განახლებული ტრენინგმოდულის განვითარება;
• შესაძლებლობების გაძლიერების ღონისძიებები/ ტრენინგების ორგანიზება და ჩატარება პარტნიორი ქვეყნის შესაბამისი ორგანიზაციის ინტერესის გათვალისწინებით;
• ბულგარეთის შესაბამის ორგანიზაციებში ტრენინგების გამართვა კონკრეტულ საკითხებზე საუკეთესო პრაქტიკის გაზიარებისა და დასაქმებულთა კვალიფიკაციის ასამაღლებლად პარტნიორ ქვეყანაში;
• სემინარების, ფორუმების, კონფერენციების ორგანიზება და ჩატარება;
• კვლევისა და სტრატეგიის განვითარება;
• სამოქალაქო უფლებების შესახებ ცნობიერების ამაღლების ღონისძიებები;
• საზოგადოებაში რასიზმის, ქსენოფობიის, სიძულვილის ენის, დისკრიმინაციის და არატოლერანტული  დამოკიდებულების აღმოსაფხვრელად მულტიკულტურული დიალოგის ხელშეწყობის ღონისძიებები;
• ღონისძიებები სოციალური ინფრასტრუქტურის (განათლების/ჯანმრთელობის) გასაუმჯობესებლად.

პროექტის ბიუჯეტი

ბიუჯეტი დამოკიდებულია პროექტის მიზნებზე და მერყეობს 20 000-80 000 BGN შორის (ბულგარული ლევი, რომელიც უდრის დაახლოებით 10,210 - 40,845 ევროს).

ბულგარეთის ინსტიტუტებთან (სამინისტრო, სკოლა, უმაღლესი საგანმანათლებლო დაწესებულებები, ინსტიტუტები, კვლევითი ცენტრები და სხვ.) ერთობლივი საპროექტო წინადადება განიხილება პრიორიტეტულად.

საპროექტო განაცხადი შესაბამის დოკუმენტებთან ერთად უნდა გაიგზავნოს 2024 წლის 31 ივლისამდე

• ელფოსტაზე: Bulgarian.Development.Aid.Tbilisi@mfa.gb ასევე Ivan.Ivanov@mfa.gb, ან
• ფოსტით: ვახტანგ გორგასლის ქ. N15, 0105 თბილისი, საქართველო (ბულგარეთის რესპუბლიკის საელჩო საქართველოში).

 2024