ილიას სახელმწიფო უნივერსიტეტი

COST პროგრამა

COST პროგრამა

ილიას სახელმწიფო უნივერსიტეტი COST პროგრამის კონსორციუმს შეუერთდა:

CA21148 – ახალი არაორგანული ქალკოგენიდების კვლევა და საერთაშორისო თანამშრომლობა მზის ენერგეტიკისთვის (RENEW-PV)[U1] 

„ევროპის მწვანე შეთანხმების“ დირექტივები მხარს უჭერს განახლებადი ენერგეტიკის ისეთი ახალი კონცეფციების შემუშავებას, რომლებიც უსაფრთხო ეკოლოგიური მასალების გამოყენებით განხორციელდება და შეამცირებს სათბურის აირების ემისიას. ამ მიზნის მისაღწევად RENEW-PV აერთიანებს წამყვან ნოვატორ მეცნიერებსა და ინდუსტრიულ მკვლევრებს ევროპისა და მსოფლიოს მასშტაბით და მიზნად ისახავს, თავი მოუყაროს და ხელი შეუწყოს ახალი არაორგანული ქალკოგენიდების თხელფენოვანი მზის ელემენტებისა და მზის ენერგიის სხვა ტექნოლოგიების კვლევას.

პროექტის მიზანია, შეიქმნას კვლევითი და ინოვაციური ქსელური გარემო, რომელიც უზრუნველყოფს სტაბილური, ეკოლოგიურად სუფთა და მოქნილი არაორგანული ქალკოგენიდის მზის ენერგიის ტექნოლოგიების დანერგვას. RENEW-PV ცდილობს გააფართოოს და განამტკიცოს მზის ენერგიის განვითარებადი ეკოსისტემა, რისთვისაც ხელს უწყობს ცოდნის შექმნასა და გაცვლას, შემოქმედებითობასა და თანამშრომლობას.

შედარების ინდიკატორების განსაზღვრის მიზნით იგი  შეიმუშავებს ტექნოლოგიური ეტალონის პორტფელს, რომელიც იქნება ერთგვარი სტრატეგიული გეგმა ახალი ტიპის მზის ელემენტის ტექნოლოგიის შესაქმნელად, რომელსაც ექნება უფრო მაღალი სიმძლავრის ნაკადი და უფრო ფართო გამოყენების დიაპაზონი, ვიდრე სილიციუმის მზის ტრადიციულ ელემენტებს.

ამ გამოწვევის დასაძლევად საჭიროა შეივსოს ხარვეზები იმ კვლევითი ჯგუფების ცოდნაში, რომლებიც მუშაობენ მასალებისა და მოწყობილობების მოდელირებაზე, თხელფენოვანი მასალებისა და პროცესების განვითარებაზე, მზის ელემენტების ინჟინერიასა და მასალებისა და მოწყობილობების მახასიათებლების გაზომვაზე. RENEW-PV ხელს შეუწყობს კვლევის სრულყოფასა და ახალგაზრდა მკვლევართა და დოქტორანტების კარიერულ განვითარებას (გენდერული თანასწორობის პრინციპების დაცვით) თანამშრომლობის, ტრენინგის, სწავლებისა და მზის ელემენტების ინტეგრირებული კვლევით, რაც უზრუნველყოფს სამუშაო ადგილების შექმნას და ევროპის გადასვლას დაბალი ნახშირბადის ეკონომიკასა და მწვანე საზოგადოებაში.

ილიას სახელმწიფო უნივერსიტეტის პროფესორი ავთანდილ თავხელიძე დაინიშნა COST RENEW-PV პროგრამის მმართველი კომიტეტის წევრად და, როგორც მკვლევარი, მონაწილეობას მიიღებს შვიდი კვლევითი ჯგუფიდან ერთ-ერთის მუშაობაში.

COST კონსორციუმის RENEW-PV პროგრამის კოორდინირებას ახორციელებს ტალინის ტექნოლოგიის ინსტიტუტი (ესტონეთი) მმართველი კომიტეტის შემდეგ წევრებთან ერთად: ვენის ტექნოლოგიური უნივერსიტეტი (ავსტრია), მზის ენერგიისა და ახალი ენერგიის წყაროების ცენტრალური ლაბორატორია (ბულგარეთი), ბულგარეთის მეცნიერებათა აკადემია (ბულგარეთი), რუჯერ ბოსკოვიჩის ინსტიტუტი (ხორვატია), კვიპროსის უნივერსიტეტი (კვიპროსი), ილიას სახელმწიფო უნივერსიტეტი (საქართველო), ფრიდრიხ-ალექსანდერის სახელობის უნივერსიტეტი (გერმანია), ჰელმჰოლცის ცენტრი ბერლინი (გერმანია), ჰოლონის ტექნოლოგიური ინსტიტუტი (ჰიტი) (ისრაელი), ვერონის უნივერსიტეტი (იტალია), ლატვიის უნივერსიტეტის მყარი სხეულების ფიზიკის ინსტიტუტი (ლატვია), ფიზიკურ მეცნიერებათა და ტექნოლოგიების ცენტრი (ლიტვა), ლუქსემბურგის უნივერსიტეტი (ლუქსემბურგი), წმინდა კირილესა და მეთოდიუსის სახელობის უნივერსიტეტი (ჩრდილოეთ მაკედონია), ვროცლავის მეცნიერებისა და ტექნოლოგიების უნივერსიტეტი (პოლონეთი), ლოძის ტექნოლოგიური უნივერსიტეტი (პოლონეთი), ავეიროს უნივერსიტეტი (პორტუგალია), მეცნიერებათა და ტექნოლოგიების ფაკულტეტი DCM-FCT-UNL (პორტუგალია), ვინკის ბირთვულ მეცნიერებათა ინსტიტუტი (სერბეთი), ლიუბლიანის უნივერსიტეტი (სლოვენია), IREC: კატალონიის ენერგეტიკის კვლევის ინსტიტუტი (ესპანეთი), განახლებადი ენერგიის ეროვნული ცენტრი (ესპანეთი), უფსალის უნივერსიტეტი (შვედეთი), ლივერპულის უნივერსიტეტი (დიდი ბრიტანეთი) და იორკის უნივერსიტეტი (დიდი ბრიტანეთი).

პროექტი იწყება 2022 წლის 6 ოქტომბერს ოთხწლიანი დაფინანსებითა და თანამშრომლობით და დასრულდება 2026 წელს.

დამატებითი ინფორმაციისათვის ეწვიეთ პროექტის ვებგვერდს: https://www.cost.eu/actions/CA21148/

CA21167 – უნივერსალურობა, მრავალფეროვნება და იდიოსინკრაზია ენობრივ ტექნოლოგიაში (UniDive)

მეცნიერებათა და ტექნოლოგიების ევროპული კოოპერაციის ფარგლებში "CA21167 – უნივერსალურობა, მრავალფეროვნება და იდიოსინკრაზია ენობრივ ტექნოლოგიაში (UniDive)"-ის პროექტი ემსახურება ლინგვისტური მრავალფეროვნების შენარჩუნებას შესაბამისი ტექნოლოგიური პროცესების შემუშავების გზით (იხ. https://www.cost.eu/actions/CA21167/).

პროექტის ფარგლებში ივარაუდება: ა) ბუნებრივი ენის დამუშავების შესაბამისი ტერმინოლოგიისა და მეთოდოლოგიების შემუშავება; ბ) ინტერ- და ინტრალინგვისტური მრავალფეროვნების აზომვა; გ) უნივერსალიებსა და მრავალფეროვნებაზე ორიენტირებული ენობრივი რესურსებისა და საშუალებების განვითარება. პროექტის თეორიული დანიშნულებაა ენობრივი უნივერსალიების უკეთესი გაგება, ხოლო პრაქტიკული – ენობრივი რესურსებისა და საშუალებების შექმნა მსოფლიოს სხვადასხვა ენისათვის.

შესაბამისად, პროექტის მთავარი ამოცანაა ლინგვისტური უნივერსალიების გამოვლენა და ლინგვისტური მრავალფეროვნების შენარჩუნება ენობრივი ტექნოლოგიების სწრაფი განვითარების ფონზე და იგულისხმება ოთხი სამუშაო ჯგუფის არსებობა:

  • WG1: კორპუსის ანოტირება
  • WG2: ლექსიკონისა და კორპუსის ინტერფეისი
  • WG3: მულტილინგვური და კროს-ლინგვისტური ენობრივი ტექნოლოგია
  • WG4: მრავალფეროვნების აზომვა და შენარჩუნება

პროექტის საკვანძო სიტყვები:
ბუნებრივი ენის დამუშავება – ენობრივი უნივერსალიები – მრავალფეროვნება – თავისებურება – ენობრივი რესურსები და საშუალებები

მმართველი კომიტეტის წევრი:
ილიას სახელმწიფო უნივერსიტეტის პროფესორი, დოქტორი ირინა ლობჟანიძე

COST კონსორციუმის UniDive პროგრამის კოორდინირებას ახორციელებს პარიზ-საკლეის უნივერსიტეტი (საფრანგეთი) მმართველი კომიტეტის წევრებთან ერთად: EPOKA UNIVERSITY (ალბანეთი), კუ ლევენი (ბელგია), UCLouvain (ბელგია), ტუზლის უნივერსიტეტი (ბოსნია და ჰერცეგოვინა), აღმოსავლეთ სარაევოს უნივერსიტეტი (ბოსნია და ჰერცეგოვინა), საინფორმაციო და საკომუნიკაციო ტექნოლოგიების ინსტიტუტი (ბულგარეთი), ბულგარეთის მეცნიერებათა აკადემია (ბულგარეთი), ზაგრების უნივერსიტეტი (ხორვატია), ხორვატიული ენისა და ენათმეცნიერების ინსტიტუტი (ხორვატია), კარლოვის უნივერსიტეტი (ჩეხეთი), ესტონური ენის ინსტიტუტი (ესტონეთი), კომპიუტერული მეცნიერების ინსტიტუტი (ესტონეთი), ჰელსინკის უნივერსიტეტი (ფინეთი), LIS - Laboratoire d'Informatique et Systemes (საფრანგეთი), Ludwig-Maximilians-Universität (გერმანია), ენისა და მეტყველების ინსტიტუტი (საბერძნეთი), უნგრეთის ლინგვისტიკის კვლევითი ცენტრი (უნგრეთი), ილიას სახელმწიფო უნივერსიტეტი (საქართველო), სეგედის უნივერსიტეტი (უნგრეთი), მონაცემთა მეცნიერების ინსტიტუტი (ირლანდია), დუბლინის უნივერსიტეტი (ირლანდია), იერუსალიმის ტექნოლოგიური კოლეჯი (ისრაელი), ღია უნივერსიტეტი (ისრაელი), ნეაპოლის უნივერსიტეტი "L'Orientale" (იტალია), Università degli Studi di Cagliari (იტალია), ტილდე (ლატვია), ვიტაუტას მაგნუსის უნივერსიტეტი (ლიტვა), მალტის უნივერსიტეტი (მალტა), მოლდოვის ტექნიკური უნივერსიტეტი (მოლდოვა), ვლადიმერ ანდრუნაჩიევიჩის მათემატიკისა და კომპიუტერული მეცნიერების ინსტიტუტი (მოლდოვა), Instituut voor de Nederlandse Taal (ნიდერლანდები), სს. კირილეს და მეთოდეს უნივერსიტეტი (ჩრდილოეთი მაკედონია), ოსლოს უნივერსიტეტი (ნორვეგია), ვარმიისა და მაზურის უნივერსიტეტი ოლშტინში (პოლონეთი), კომპიუტერული მეცნიერების ინსტიტუტი (პოლონეთი), INESC-ID (პორტუგალია), კოიმბრის უნივერსიტეტი (პორტუგალია), ბუქარესტის უნივერსიტეტი (რუმინეთი), ხელოვნური ინტელექტის კვლევითი ინსტიტუტი (რუმინეთი), ბელგრადის უნივერსიტეტი (სერბეთი), სერბული ენის ინსტიტუტი SASA (სერბეთი), შტურის ენათმეცნიერების ინსტიტუტი (სლოვაკეთი), ლიუბლიანის უნივერსიტეტი (სლოვენია), ჟოზეფ სტეფანის ინსტიტუტი (სლოვენია), მურსიის უნივერსიტეტი (ესპანეთი), მალაგის უნივერსიტეტი (ესპანეთი), უფსალის უნივერსიტეტი (შვედეთი), ციურიხის უნივერსიტეტი (შვეიცარია), სტამბულის ტექნიკური უნივერსიტეტი (თურქეთი), ბოღაზიჩის უნივერსიტეტი (თურქეთი), შეფილდის უნივერსიტეტი (გაერთიანებული სამეფო), კემბრიჯის უნივერსიტეტი (გაერთიანებული სამეფო).

პროექტი იწყება 2022 წლის 23 სექტემბერს ოთხწლიანი დაფინანსებითა და თანამშრომლობით და დასრულდება 2026 წელს.

დამატებითი ინფორმაციისათვის ეწვიეთ პროექტის ვებგვერდს: https://www.cost.eu/actions/CA21167

 

 

ბანერები