თავისუფალი მეცნიერებები
პროგრამის მიზანია, სტუდენტს მისცეს ისეთი ცოდნა, რომელიც აქცევს მას მრავალმხრივ განვითარებულ ადამიანად, საქართველოს და დემოკრატიული საზოგადოების შეგნებულ მოქალაქედ; განუვითარებს მას კრიტიკული აზროვნების უნარს.
თავისუფალ მეცნიერებებზე კონცენტრაციის შემთხვევაში, კურსდამთავრებულს აქვს:
- ზოგადი წარმოდგენა ისტორის მანძილზე განვითარებული ძირითადი ფილოსოფიური და რელიგიური ალტერნატივების შესახებ;
- ზოგადი წარმოდგენა კაცობრიობის ისტორიის მანძილზე შექმნილი ფილოსოფიური, რელიგიური, ლიტერატურული და ხელოვნების ნაშრომების შესახებ;
- წარმოდგენა დემოკრატიული პოლიტიკის ბუნების შესახებ;
- ფილოსოფიის, ლიტერატურის, ხელოვნების, პოლიტიკის სფეროების შესახებ მიღებული ცოდნის ერთმანეთთან და კულტურის სხვა პროდუქტებთან საბაზისო დონეზე დაკავშირების უნარი;
- ინფორმაციის ანალიზისა და დარგობრივი ლიტერატურის წაკითხვა-გაანალიზების უნარი.