ანგლისტიკა (ძირითადი და დამატებითი სპეციალობა)
ანგლისტიკის დამატებითი პროგრამის მიზანია აღჭურვოს კურსდამთავრებული ინგლისური ენის ცოდნით B2 დონეზე, შეასწავლოს ინგლისური ენის თეორიული საფუძვლები და მისცეს მას საბაზისო ცოდნა ბრიტანეთის და/ან ამერიკის ლიტერატურის, ისტორიის და კულტურის შესახებ.
ანგლისტიკის დამატებითი პროგრამის კურსდამთავრებული:
- ფლობს ინგლისურ ენას მინიმუმ B2 დონეზე;
- ავლენს ცოდნას ინგლისური ენის ძირითადი ენათმეცნიერული კატეგორიების შესახებ;
- ავლენს ცოდნას ანგლო-ამერიკული ლიტერატურათმცოდნეობის საფუძვლების შესახებ;
- ავლენს ცოდნას ინგლისური ლიტერატურის ისტორიის ერთ-ერთი პერიოდის შესახებ.
პროგრამის კურსდამთავრებულს:
- შეუძლია ძირითადი ენათმეცნიერული ტერმინოლოგიის გამოყენებით ენის სტრუქტურისა და ენობრივი სისტემის ძირითადი კანონზომიერებების აღწერა;
- შეუძლია ძირითადი ლიტერატურათმცოდნეობითი ტერმინოლოგიის გამოყენებით ანგლო-ამერიკული ლიტერატურის რამდენიმე მნიშვნელოვანი ავტორის ცნობილი ნაწარმოებების აღწერა და ანალიზი;
- შეუძლია ინტერკულტურული კონტექსტის გააზრება.