არქეოლოგია (დამატებითი სპეციალობა)
არქეოლოგიის დამატებითი პროგრამის მიზანია სტუდენტს მისცეს ზოგადი ცოდნა არქეოლოგიის დარგის საფუძვლების, დანიშნულებისა და სპეციფიკის შესახებ. ასევე შეასწავლოს მსოფლიოს სხვადასხვა რეგიონის პრეისტორიული და ისტორიული არქეოლოგია (ქვის ხანა, ბრინჯაოს ხანა, რკინის ხანა, ანტიკური ხანა და შუა საუკუნეების არქეოლოგია).
პროგრამის კურსდამთავრებული:
- ავლენს ზოგად ცოდნას არქეოლოგიის საფუძვლების, მისი ძირითადი თეორიების, მიდგომების, მეთოდებისა და განვითარების ტენდენციების შესახებ;
- ავლენს საქართველოსა და მსოფლიოს სხვადასხვა რეგიონის (კავკასიის რეგიონი, მახლობელი აღმოსავლეთი, ხმელთაშუა ზღვისპირეთი) პრეისტორიული და ისტორიული პერიოდის არქეოლოგიის (ქვის ხანა, ადრეული ლითონების ხანა, ბრინჯაოს ხანა, რკინის ხანა, ანტიკური ხანა და შუა საუკუნეები) ფართო ცოდნას;
- წინასწარ განსაზღვრული მეთოდების შესაბამისად ხელმძღვანელის მეთვალყურეობით შეუძლია მონაცემების (წყაროები, მასალები და სხვა) მოპოვება და დამუშავება არქეოლოგიური დაზვერვებისა და კვლევა-ძიების (საველე, ლაბორატორიული) ძირითადი პრინციპებისა და მეთოდების გამოყენებით.