გამოყენებითი ხელოვნება - მხატვრული კერამიკა საჯარო სივრცეებისათვის (ძირითადი და დამატებითი სპეციალობა)
პროგრამის დასახელება: გამოყენებითი ხელოვნება - მხატვრული კერამიკა საჯარო სივრცეებისათვის (ძირითადი და დამატებითი სპეციალობა)
ფაკულტეტი: მეცნიერებათა და ხელოვნების ფაკულტეტი
სწავლების ენა: ქართული
დასაგროვებელი კრედიტების რაოდენობა: 240 ECTS
მისანიჭებელი კვალიფიკაცია: ხელოვნების ბაკალავრი მხატვრულ კერამიკაში
მიღების ტიპი: ერთიანი მიღება
საუნივერსიტეტო გამოცდის ტიპი: შიდასაუნივერსიტეტო შემოქმედებითი ტური.
პროგრამის შესახებ:
როდესაც მხატვრის შემოქმედებაზე ვსაუბრობთ პირველ რიგში ჩარჩოში ჩასმულ ნამუშევარს ვხედავთ. სინამდვილეში ჩვენი ყოველდღიური ყოფა მხატვრების მიერ შექმნილი ნამუშევრებითაა გარემოცული. ჩვენი ინტერიერისა და ექსტერიერის შესამკობად განკუთვნილ დიდი ან მცირე ზომის კერამიკულ ქანდაკებებსა და დეკორატიულ პანოებს, კერამიკულ და მინის სუვენირებს, მინის ვიტრაჟებსა და ქანდაკებებს, მოზაიკურ პანოებსა და ბუხრის შემკულობას ქმნიან კერამიკისა და მინის დიზაინერები.
ვისაც სურს ცხოვრება მშვენიერების შექმნას მიუძღვნას, უნდა ჩააბაროს ილიას სახელმწიფო უნივერსიტეტის სახვითი და გამოყენებითი ხელოვნების რომელიმე პროგრამაზე. მულტიდისციპლინური პროგრამა სახვითი და გამოყენებითი ხელოვნება შეიქმნა 2007 წელს. 2023 წელს კვალიფიკაციათა ჩარჩოსთან შესაბამისობაში მოყვანის მიზნით არსებული პროგრამის ბაზაზე შეიქმნა ორი პროგრამა:
- გამოყენებითი ხელოვნება - მხატვრული კერამიკა საჯარო სივრცეებისათვის (ძირითადი და დამატებითი სპეციალობა)
- გრაფიკის ხელოვნება (ძირითადი და დამატებითი სპეციალობა)
გამოყენებითი ხელოვნება - მხატვრული კერამიკა საჯარო სივრცეებისათვის (ძირითადი და დამატებითი სპეციალობა)
პროგრამა ამზადებს საჯარო სივრცეების გაფორმებისთვის კონკურენტუნარიან სპეციალისტს კერამიკის დარგში, რომელიც შეძლებს წვლილი შეიტანოს თანამედროვე საზოგადოების კულტურულ-ესთეტიკური განვითარების პროცესში. პროგრამის ფარგლებში მომზადებული კერამიკოსი გარადა საბაზისო დისციპლინებისა (ხატვა, ფერწერა, პლასტიკური ანატომია და სხვა) დაეუფლება მხატვრულ კერამიკასთან დაკავშირებულ კომპოზიციის, ტექნოლოგიების, ხელსაწყოების და მასალების გამოყენების საბაზო უნარებს, რათა შეძლოს იდეის კონცეპტუალიზაცია და მისი განხორციელება.
ამასთან, რომელიმე პროგრამზე ჩარიცხვის შემთხვევაში სტუდენტს აქვს შესაძლებლობა თავისუფალი კომპონენტის ფარგლებში აირჩიოს ნებისმიერი სასწავლო კურსი, როგორც ძირითადი ისე მომიჯნავე პროგრამიდან, რათა გაიფართოვოს შემოქმედებითი დიაპაზონი.
პროგრამის მიზანი:
პროგრამის მიზანია, საჯარო სივრცეების გაფორმებისთვის კონკურენტუნარიანი სპეციალისტის მომზადება კერამიკის დარგში, რომელიც შეძლებს წვლილი შეიტანოს თანამედროვე საზოგადოების კულტურულ-ესთეტიკური განვითარების პროცესში. პროგრამის ფარგლებში მომზადებული კერამიკოსი:
- დაუფლებული იქნება სახვითი და გამოყენებითი ხელოვნებისა და დიზაინის საბაზისო დისციპლინებსა და თეორიულ ცოდნას ხელოვნების ტრადიციული დარგებისა და უახლესი ტენდენციების შესახებ;
- დაუფლებული იქნება მხატვრულ კერამიკასთან დაკავშირებულ კომპოზიციის, ტექნოლოგიების, ხელსაწყოების და მასალების გამოყენების საბაზო უნარებს, რათა შეძლოს იდეის კონცეპტუალიზაცია და მისი განხორციელება;
- მზად იქნება წარმატებული პროფესიული კარიერისა და/ან შემდეგ საფეხურზე სწავლის გაგრძელებისთვის.
ამასთან ერთად პროგრამა სტუდენტებს განუვითარებს ისეთ ტრანსფერულ უნარებს, როგორიც არის კრიტიკული აზროვნება, ორიგინალური იდეებისა და კონცეფციების შესამუშავებლად ვიზუალური და თეორიული მასალის მოძიება/ანალიზი, საკუთარი შემოქმედების ეფექტური პრეზენტაცია თანამედროვე ტექნოლოგიების გამოყენებითა და აკადემიური კეთილსინდისიერების პრინციპების დაცვით.
სწავლის შედეგები:
პროგრამის კურსდამთავრებული/კურსდამთავრებულს:
- კურსდამთავრებული ავლენს სახვითი და გამოყენებითი ხელოვნებისა და დიზაინის სავალდებულო საბაზისო დისციპლინების ძირითადი პრინციპების, ტექნოლოგიების, კანონებისა და პრაქტიკების, ამასთან ვიზუალური ხელოვნების ტრადიციული დარგებისა და უახლესი ტენდენციების შესახებ ფართო ცოდნას;
- აღჭურვილია საბაზო უნარებით ხატვის და ფერწერის კანონების, სახატავი და ფერწერული მასალებით მუშაობის ტექნოლოგიების და პრინციპების შესახებ;
- ავლენს ცოდნას კერამიკული მასალების შესაძლებლობებისა და მასთან დაკავშირებული ტექნოლოგიური პროცესების შესახებ;
- წინასწარ განსაზღვრული მითითებების შესაბამისად, შეუძლია შექმნას საავტორო ნამუშევარი მხატვრულ კერამიკაში რელევანტური ვიზუალური და თეორიული მასალის კვლევისა და ანალიზის შედეგების საფუძველზე, შესაბამისი ტექნოლოგიებისა და ტექნიკების, მასალებისა და ხელსაწყოების გამოყენებით;
- საავტორო ნამუშევარში შეუძლია გამოავლინოს საკუთარი სტილი და შემოქმედებითი ხედვა;
- შემოქმედებითი იდეების განვითარებისა და განხორციელების პროცესში შეუძლია პლაგიატის თავიდან აცილება;
- შეუძლია საკუთარი შემოქმედებითი იდეების ეფექტური ზეპირი ან წერილობითი კომუნიკაცია თანამედროვე საკომუნიკაციო ტექნოლოგიების გამოყენებით;
- შეუძლია ეფექტურად იმუშაოს ინდივიდუალურად ან ჯგუფურად, იზრუნოს საკუთარი ცოდნისა და პროფესიული უნარ-ჩვევების განვითარებაზე;
- შეუძლია საკუთარი სწავლის პროცესის მართვა დარგობრივი სასწავლო რესურსების ფართო სპექტრის გამოყენებით.
სწავლის მეთოდები:
ლექცია, სემინარი; სტუდიური სწავლება; პრაქტიკული მეთოდი; ინდივიდუალური და ჯგუფური მუშაობა; დემონსტრირების მეთოდი; ელექტრონული სწავლების ელემენტები; დისკუსია/დებატები;
დასაქმების შესაძლებლობები:
კურსდამთავრებული შეიძლება დასაქმდეს დარგობრივი პროფილის მიხედვით, სახელდობრ:
- კერამიკის საწარმოები/სტუდიები;
- სამშენებლო-არქიტექტურული კომპანიები;
- კერძო და სახელმწიფო საწარმოები;
- კერძო ბიზნესი;
- სტუდიები, სახელოსნოები;
და სხვა.
სასწავლო პროგრამის სტრუქტურა:
თავისუფალი კომპონენტი: ზოგადი მოდული - 60 კრედიტი:
- შესავალი თანამედროვე აზოვნებაში I, II - 12 კრედიტი
- აკადემიური მუშაობის ტექნიკები - 6 კრედიტი
- სტატისტიკა - 6 კრედიტი
- ინგლისური ენის პრაქტიკული კურსები - 24 კრედიტი
- შესავალი კურსები კოდით INTRO - 12 კრედიტი
შენიშვნა: სტუდენტი ვალდებულია საბაკალავრო სწავლების პირველივე წელს გაიაროს საერთო სავალდებულო კურსები „პირველი ნაბიჯები ხატვასა და ფერწერაში 1“ და „პირველი ნაბიჯები ხატვასა და ფერწერაში 2“.
ძირითადი სწავლის სფერო - 120 კრედიტი:
- საბაზისო სავალდებულო კურსები– 54 კრედიტი
- ხელოვნების ისტორიის სავალდებულო კურსები - 12 კრედიტი
- კერამიკის ხელოვნების სავალდებულო კურსები – 30 კრედიტი
- არჩევითი კურსები - 24 კრედიტი
დამატებითი პროგრამა/თავისუფალი კომპონენტი - 60 კრედიტი
საკონტაქტო ინფორმაცია:
თამარ გეთიაშვილი
მეცნიერებათა და ხელოვნების ფაკულტეტის ხარისხის უზრუნველყოფის მენეჯერი
☏ (+995 32) 222 00 09 (შიდა ნომერი 209)
✉: tamari.getiashvili@iliauni.edu.ge
➳ ილია ჭავჭავაძის გამზ. N32, ოთახი A 205
თამარ ნინიკაშვილი
მეცნიერებათა და ხელოვნების ფაკულტეტის სახვითი და გამოყენებითი ხელოვნების ცენტრის დირექტორი
➳ ილია ჭავჭავაძის გამზ. N32, ოთახი D 609
✉ tamuna.ninikashvili@iliauni.edu.ge