ფეთქებადი ნარევი
მასალა: ორი თასი, წითელი კომბოსტოს წვენი, საჭმელი სოდა, ლიმონმჟავა, სუფრის კოვზები
პროცედურა: ორ თასში გავანაწილოთ წითელი კომბოსტოს წვენი. პირველ თასში კომბოსტოს წვენს დავუმატოთ საჭმელი სოდა, მეორე თასში კი - ლიმონმჟავა და კარგად ავურიოთ. სოდიანი კომბოსტოს წვენი დავასხათ ლიმონმჟავიან კომბოსტოს წვენს. ვცადოთ სხვანაირად: კომბოსტოს წვენის ნაცვლად გამოვიყენოთ წყალი, მოცხარის, ჰიბისკუსის ან მოცვის წვენი. გამოვიყენოთ ლიმონის წვენი ან ძმარი ლიმონმჟავას ნაცვლად, სარეცხი ფხვნილი - საჭმელი სოდის ნაცვლად. სანამ ხსნარებს შევურევთ ერთმანეთს, ლიმონმჟავიან ხსნარს დავამატოთ თხევადი სარეცხი საშუალება და ანთებული ასანთის ღერი შევახოთ ნარევს.
კითხვები:
- რა ფერისაა კომბოსტოს წვენი?
- რა ფერისაა კომბოსტოს წვენი ძმრისა და საჭმელი სოდის შერევის შემდეგ? რა შეიძლება იყოს ამის მიზეზი?
- რა მოხდა ორი ხსნარის შერევით? რა არის ამ რეაქციის მიზეზი?
საკვანძო სიტყვები: მჟავა, ტუტე, რეაქცია, ნეიტრალიზაციის რეაქცია