ცეცხლსაქრობი
მასალა: ორი გამჭვირვალე ჭურჭელი, წითელი კომბოსტო, ძმარი, საჭმელი სოდა, ჩაიდანი, წყალი, თხევადი სარეცხი საშუალება
პროცედურა: დავასხათ ადუღებული წყალი ცოტაოდენ წითელ კომბოსტოს და დავტოვოთ 15 წუთით. ამ გზით მივიღებთ კომბოსტოს ნახარშს. შეგვიძლია, გამოვიყენოთ წვენსაწური კომბოსტოს წვენის მისაღებად. ჩავასხათ კომბოსტოს წვენი ორსავე ჭურჭელში 1/5 მოცულობით. ერთ ჭურჭელში დავამატოთ ერთი სუფრის კოვზი საჭმელი სოდა, მეორე ჭურჭელში - ერთი სუფრის კოვზი ლიმონმჟავა. ერთ-ერთ ჭურჭელში დავამატოთ თხევადი სარეცხი საშუალება. პირველი ჭურჭლიდან სწრაფად გადავასხათ სითხე მეორეში. ვცადოთ სხვანაირად: გამოვიყენოთ ლიმონის წვენი ან ძმარი ლიმონმჟავას მაგივრად, სარეცხი ფხვნილი - საჭმელი სოდის მაგივრად; ერთ-ერთ ჭურჭელში ჩავასხათ ცოტა შამპუნი თხევადი სარეცხი საშუალების ნაცვლად.
კითხვები:
- რა ფერისაა კომბოსტოს წვენი?
- რა შეფერილობას მიიღებს კომბოსტოს წვენი ძმრის ან სოდის დამატების შემდეგ? რის ნიშანია ეს?
- რა მოხდება ორივე ჭურჭელში არსებული სითხეების ერთმანეთში შერევის შემდეგ? რა შედეგი შეიძლება მოჰყვეს მსგავს რეაქციას?
საკვანძო სიტყვები: pH, მჟავა, ტუტე, ძმარი, ლიმონმჟავა, წითელი კომბოსტო, ქაფი