პორტოს უნივერსიტეტი

ERASMUS+ გაცვლითი პროგრამის ფარგლებში გამოცხადდა კონკურსი ილიას სახელმწიფო უნივერსიტეტის აკადემიური და ადმინისტრაციული პერსონალისათვის პორტოს უნივერსიტეტში (პორტუგალია) მობილობის განხორციელების მიზნით.

მობილობის ხანგრძლივობა: 5 სამუშაო დღე ( დამატებით 2 დღე მგზავრობისთვის)

შემოთავაზებული მობილობის ტიპები:

მობილობა სწავლების მიზნით (Staff Mobility for Teaching): პარტნიორ უნივერსიტეტში სწავლება, ე.წ. Staff mobility for Teaching (STA), გულისხმობს, რომ აკადემიური პერსონალი ახორციელებს სწავლების აქტივობებს(მაგ. სემინარები, ლექციები, ტუტორინგი) პორტოს  უნივერსიტეტში კვირაში მინიმუმ 8 საათის დატვირთვით.

მობილობა ტრენინგის მიზნით (Staff Mobility for Training): კანდიდატს აქვს შესაძლებლობა, მოიპოვოს გრანტი კვალიფიკაციის ასამაღლებლად პორტოს  უნივერსიტეტში ე.წ. „job shadowing” ტიპის მობილობის განხორციელებისათვის. აღნიშნული გულისხმობს ისეთი კოლეგების გვერდით მუშაობას, რომლებსაც აქვთ რელევანტური სამუშაო ამოცანები.

სტიპენდიის რაოდენობა:

• ყოველდღიური სტიპენდია – 160 EUR
• სამგზავრო ხარჯებისათვის – 820 EUR

სამუშაო ენა: ინგლისური ან/და პორტუგალიური

კონკურსში მონაწილეობის წინაპირობები:

• აკადემიური/ადმინისტრაციული პერსონალი კონკურსის მიმდინარეობისას უნდა იყოს ილიას სახელმწიფო უნივერსიტეტის შტატიანი ან ხელშეკრულებით მოწვეული თანამშრომელი.

განაცხადის წარდგენა:

• კანდიდატმა განაცხადი კონკურსის ვადის დაცვით უნდა წარმოადგინოს ელექტრონულად, პორტოს უნივერსიტეტის ელექტრონულ სააპლიკაციო პლატფორმაზე;
• განიხილება მხოლოდ სრულყოფილი განაცხადები. დაუშვებელია კონკურსისათვის საჭირო დოკუმენტების ეტაპობრივად, ნაწილ-ნაწილ გამოგზავნა. ასეთ შემთხვევაში კანდიდატი ავტომატურად მოიხსნება კონკურსიდან;
• ყველა საჭირო დოკუმენტი (გარდა ფოტოსურათისა) უნდა მომზადდეს PDF ფორმატში; კანდიდატმა ყველა დოკუმენტი უნდა წარადგინოს ინგლისურ ენაზე;
• პორტოს უნივერსიტეტის მიერ შემოთავაზებული მობილობის მიმართულებების შესახებ ინფორმაცია იხილეთ:https://bit.ly/3iJROq1

ელექტრონული განაცხადის ფორმაში ასატვირთი დოკუმენტები:

• ფოტო (jpg, jpeg ფორმატში);
• ვიდეო (ნებაყოფლობითი);
• პირადობის დამადასტურებელი მოწმობა/პასპორტი;
• მხარდაჭერის წერილი (შაბლონი) (გთხოვთ, შევსებული შაბლონი ხელმოსაწერად გამოგზავნოთ მისამართზე: erasmusplus@iliauni.edu.ge; დოკუმენტის მომზადებას ესაჭიროება 2 სამუშაო დღე);
• ცნობა სამუშაო ადგილიდან ფუნქცია-მოვალეობების მითითებით;
• შესაბამისი უცხო ენის მინიმუმ B2 დონის კომპეტენციის დამადასტურებელი დოკუმენტი;
• ასეთის არსებობს შემთხვევაში, ეკონომიკური, სოციალური ან ჯანმრთელობის პრობლემის დამადასტურებელი ცნობა.

ელექტრონული განაცხადი უნდა წარადგინოთ მხოლოდ პორტოს უნივერსიტეტის პლატფორმაზე:https://bit.ly/3w50Lxn 

განაცხადის წარდგენის ბოლო ვადა: 16 მარტი, 2023 წელი.

დეტალური ინფორმაცია კონკურსის შესახებ: https://www.up.pt/mobile22/ (გთხოვთ, გაეცანით დოკუმენტს: Guidelines for Applicants).

===============================

დამატებითი შეკითხვების შემთხვევაში, მიმართეთ:

ილიას სახელმწიფო უნივერსიტეტის საერთაშორისო ურთიერთობების სამსახურს
ელფოსტა: erasmusplus@iliauni.edu.ge
ტელ.: (995 322) 220009-367 (ext)