ინოვაციებისა და ტექნოლოგიების ბანაკი სტუდენტებისთვის –ფინტექი
ახალი ამბები
საქართველოს ინოვაციებისა და ტექნოლოგიების სააგენტოს ორგანიზებით მსოფლიო ბანკის პროექტის „ეროვნული ინოვაციური ეკოსისტემა“ ფარგლებში ილიას სახელმწიფო უნივერსიტეტი 1-ელიდან 4 დეკემბრის ჩათვლით ბაკურიანში სტუდენტებისათვის გამართავს ინოვაციური სტარტაპების ბანაკს, რომლის მთავარი თემა იქნება ფინტექი.
ბანაკი განკუთვნილია საქართველოს ნებისმიერი უმაღლესი საგანმანათლებლო დაწესებულების სტუდენტებისთვის შემდეგი მიმართულებებით:
- ბიზნესი
- კომპიუტერული მეცნიერებები
- კომპიუტერული ინჟინერია
- საინფორმაციო ტექნოლოგიები
ბანაკის მიზანია ხელი შეუწყოს ახალგაზრდებში STEAM-ის შესახებ ცნობადობის ამაღლებას, რათა მათ უკეთ შეძლონ კარიერის დაგეგმვა და იმუშაონ STEAM-თან დაკავშირებულ ინოვაციურ პროდუქტებზე.
ბუთქემფის ფარგლებში სტუდენტებს საშუალება ექნებათ, შეიძინონ ცოდნა ფინტექის, ინფორმაციული ტექნოლოგიების, STEAM-თან დაკავშირებული თანამედროვე გამოწვევების შესახებ, ასევე კორპორაციული თუ სამეწარმეო უნარ-ჩვევები.
ბანაკში მონაწილეობა უფასოა, მონაწილეებს სრულად დაუფინანსდებათ ბანაკში მონაწილეობასთან დაკავშირებული ყველა ხარჯი (თბილისიდან ტრანსპორტირება, ცხოვრება, კვება, სასწავლო მასალები და სხვ.),
ბანაკის დასრულების შემდეგ ილიას სახელმწიფო უნივერსიტეტის ფაბლაბი და პრე-აქსელერატორი ზუმაუთი აქტიურად იმუშავებენ სტუდენტებთან იდეების ხელშესახებ „პროდუქტად“ გარდასაქმნელად.
როგორ მივიღო ბანაკში მონაწილეობა?
მონაწილეობის მსურველებს გთხოვთ, გაიაროთ რეგისტრაცია მოცემული ბმულის მეშვეობით https://bit.ly/3WEZQzR
მონაწილე სტუდენტები შეირჩევიან გამოცდილებისა და მოტივაციის მიხედვით.
სამუშაო ენა: ქართული
რეგისტრაციის ბოლო ვადაა 23 ნოემბერი, 23:59
ადგილმდებარეობა: ბაკურიანი-ინი
დამატებითი ინფორმაციისთვის დაგვიკავშირდით:
ელფოსტა: fablab@iliauni.edu.ge
საკონტაქტო პირები:
ავთანდილ მღებრიშვილი
მობილურის ნომერი: 551080404
ანი ჩიკვაიძე
მობილურის ნომერი: 558147202
2022