კონფერენციები

21 იანვარს, 11:00 საათზე, ილიას სახელმწიფო უნივერსიტეტში („A“ კორპუსი, 101–ე აუდიტორია; მისამართი: ი. ჭავჭავაძის გამზირი 32) გაიმართება სამეცნიერო კონფერენცია „კლიმატის ცვლილება და ეკოლოგიური პრობლემები“. კლიმატის ცვლილება და მასთან დაკავშირებული ეკოლოგიური პრობლემები ბოლო ორი ათწლეულის მანძილზე მეცნიერების სხვადასხვა დარგის სერიოზულ ყურადღებას იქცევს. ამ საკითხებთან დაკავშირებით საქართველოშიც მიმდინარეობს აქტიური სამეცნიერო მუშაობა. კონფერენცია „კლიმატის ცვლილება და ეკოლოგიური პრობლემები“ სწორედ ამ საკითხების აქტუალიზაციას ისახავს მიზნად.