ლაკილას უნივერსიტეტი

ERASMUS+ გაცვლითი პროგრამის ფარგლებში გამოცხადდა კონკურსი ილიას სახელმწიფო უნივერსიტეტის აკადემიური პერსონალისათვის ლაკილას უნივერსიტეტში (იტალია) მობილობის განხორციელების მიზნით.

მობილობის ხანგრძლივობა: 5 სამუშაო დღე ( დამატებით 2 დღე მგზავრობისთვის)

მობილობის ტიპი:

მობილობა სწავლების მიზნით (Staff Mobility for Teaching): პარტნიორ უნივერსიტეტში სწავლება, ე.წ. Staff mobility for Teaching (STA), გულისხმობს, რომ აკადემიური პერსონალი ახორციელებს სწავლების აქტივობებს(მაგ. სემინარები, ლექციები, ტუტორინგი) ლაკილას უნივერსიტეტში კვირაში მინიმუმ 8 საათის დატვირთვით.

მობილობის მიმართულება:

• კომპიუტერული მეცნიერება
• მათემატიკა
• ფიზიკა
• ქიმია

სტიპენდიის რაოდენობა:

• ყოველდღიური სტიპენდია – 160 EUR
• სამგზავრო ხარჯებისათვის – 360 EUR

სამუშაო ენა: ინგლისური/იტალიური

კონკურსში მონაწილეობის წინაპირობები:

• აკადემიური პერსონალი კონკურსის მიმდინარეობისას უნდა იყოს ილიას სახელმწიფო უნივერსიტეტის შტატიანი ან ხელშეკრულებით მოწვეული თანამშრომელი.

ელექტრონული განაცხადის ფორმაში ასატვირთი დოკუმენტები:

• რეზიუმე (CV);
• კანდიდატისა და მშობლიური ფაკულტეტის დეკანის მიერ ხელმოწერილი მობილობის ხელშეკრულება (DOWNLOAD)
• პასპორტის/პირადობის დამადასტურებელი დოკუმენტის ასლი;
• ინგლისური/იტალიური ენის მინ. B2 დონის კომპეტენციის დამადასტურებელი ცნობა/სერტიფიკატი;
• ასეთის არსებობს შემთხვევაში, ეკონომიკური, სოციალური ან ჯანმრთელობის პრობლემის დამადასტურებელი ცნობა.

განაცხადები მიიღება ელექტრონულად: ონლაინ განაცხადის ფორმა

განაცხადების მიღების ბოლო ვადა: 2023 წლის 5 მაისი, 23:59.

გთხოვთ, გაითვალისწინოთ, რომ კანდიდატების შეფასება განხორციელდება მასპინძელი უნივერსიტეტის მიერ დადგენილი შემდეგი კრიტერიუმების საფუძველზე:

• კანდიდატის რეზიუმე (მაქს. 30 ქულა);
• მობილობის ხელშეკრულება (მაქს. 30 ქულა);
• ინგლისური/იტალიური ენის კომპეტენცია (მაქს. 20 ქულა);
• დამატებითი სერტიფიკატები (მაქს. 20 ქულა).

===============================

დამატებითი შეკითხვების შემთხვევაში, მიმართეთ:
ილიას სახელმწიფო უნივერსიტეტის საერთაშორისო ურთიერთობების სამსახურს
ელფოსტა: erasmusplus@iliauni.edu.ge
ტელ.: (995 322) 220009-367 (ext)