კონკურსი MIND 23 გაცვლითი პროგრამის ფარგლებში პორტუგალიური უნივერსიტეტებისთვის
გაცნობებთ, რომ გამოცხადდა კონკურსი ილიას სახელმწიფო უნივერსიტეტის ბაკალავრიატის, მაგისტრატურისა და დოქტორანტურის საფეხურის სტუდენტებისათვის 2024/25 აკადემიური წლის შემოდგომის სემესტრში ქვემოთ ჩამოთვლილ 4 პორტუგალიურ უნივერსიტეტში მობილობის განხორციელების მიზნით.
- University of Porto
- University of Aveiro,
- University of Minho
- University of Trás-os-Montes and Alto Douro
მობილობის ხანგრძლივობა: 4 თვე
სტიპენდიის რაოდენობა:
- ყოველთვიური სტიპენდია - 850 EUR ¹
- სამგზავრო ხარჯებისთვის - 820 EUR
შერჩეული კანდიდატები დამატებით მიიღებენ ჯანმრთელობის და სამოგზაურო დაზღვევას.
კონკურსში მონაწილეობის წინაპირობები:
- კანდიდატს უნდა ჰქონდეს აქტიური სტუდენტის სტატუსი როგორც კონკურსის ისე მობილობის პერიოდში;
- სტუდენტი უნდა ირიცხებოდეს რელევანტურ საფეხურზე ილიას სახელმწიფო უნივერსიტეტში (განაცხადის შემოტანა შესაძლებელია მხოლოდ იმ საფეხურზე, რომელზეც კანდიდატი ირიცხება კონკურსის მიმდინარეობისას);
- ბაკალავრიატის საფეხურის სტუდენტს დასრულებული უნდა ჰქონდეს პირველი სასწავლო წელი (მინიმუმ 60 კრედიტი);
- სტუდენტს არ უნდა ჰქონდეს მოპოვებული Erasmus+ გრანტი ანალოგიურ საფეხურზე;
- მაგისტრატურის საფეხურის სტუდენტისათვის მობილობის განხორციელება შესაძლებელია მხოლოდ მისი ძირითადი/მომიჯნავე მიმართულებით, ხოლო ბაკალავრიატის სტუდენტისათვის ძირითადი ან მეორადი პროფესიის მიმართულებით;
- კანდიდატი უნდა ფლობდეს უცხო ენას მინიმუმ B2 დონეზე, რის შესახებაც მან კონკურსის პერიოდში უნდა წარმოადგინოს შესაბამისი დამადასტურებელი დოკუმენტი;
- კანდიდატს განაცხადის გაკეთება შეუძლია მაქსიმუმ 3 უნივერსიტეტისთვის.
ელექტრონული განაცხადის ფორმაში ასატვირთი დოკუმენტები:
- ფოტოსურათი (სურვილის შემთხვევაში ვიდეოც);
- ვალიდური პირადობის მოწმობის ასლი (არქონის შემთხვევაში, შესაძლებელია პასპორტის ასლის ატვირთვა);
- შევსებული და დეკანის მიერ ხელმოწერილი სასწავლო გეგმა (სავალდებულოა მასპინძელ უნივერსიტეტში გასავლელი მინ.20ECTS აღიარებადი კრედიტის მითითება)²: შაბლონის ჩამოტვირთვა;
- განახლებული აქტიური სტუდენტის სტატუსის დამადასტურებელი ცნობა;
- უნივერსიტეტის მიერ გაცემული მიმდინარე საფეხურის ნიშნების ფურცელი;
- შესაბამისი უცხო ენის (ინგლისური ან პორტუგალიური) მინ. B2 დონის კომპეტენციის დამადასტურებელი სერტიფიკატი/ცნობა (დეტალური ინფორმაცია იხილეთ ბმულზე);
- უნივერსიტეტის მხარდაჭერის წერილი გაცემული პროფესორის ან რელევანტური ფაკულტეტის მიერ (აუცილებელია ხელმოწერის, ბეჭდის და თარიღის მითითება): შაბლონის ჩამოტვირთვა;
- წინა საფეხურის/საფეხურების დიპლომი/დიპლომები (სავალდებულოა მაგისტრატურისა და დოქტორანტურის სტუდენტებისთვის);
- ასეთის არსებობს შემთხვევაში: ეკონომიკური, სოციალური, ჯანმრთელობის პრობლემის ან სპეციალური საჭიროების დამადასტურებელი ცნობა.
დოკუმენტები წარმოდგენილი უნდა იყოს ინგლისურ ენაზე. ზომა არ უნდა აღემატებოდეს 5MB-ს.
მიიღება მხოლოდ ელექტრონული განაცხადის ფორმით წარმოდგენილი განაცხადები: https://mind23.up.pt/apply
განაცხადის წარდგენის ბოლო ვადა: 15 აპრილი (00:00 CET), 2024 წელი.
გთხოვთ, კონკურსის შესახებ დეტალები იხილეთ ბმულზე: https://mind23.up.pt/
დამატებითი კითხვების შემთხვევაში, გთხოვთ, მიმართოთ: international@reit.up.pt
¹კანდიდატები, რომლებიც მიეკუთვნებიან “Students with fewer opportunities” ჯგუფს მიიღებენ დამატებით თანხას.
² შევსებული ხელშეკრულება გამოგვიგზავნეთ მეილზე: erasmusplus@iliauni.edu.ge. გთხოვთ, გაითვალისწინოთ, რომ სასწავლო ხელშეკრულების განხილვას სჭირდება 3-5 დღე.