კონკურსი პეკინის ტექნოლოგიურ ინსტიტუტში სრული საფეხურის პროგრამებზე სწავლების მიზნით

გაცნობებთ, რომ პეკინის ტექნოლოგიურ უნივერსიტეტში გამოცხადდა კონკურსი სრული საფეხურის სამაგისტრო და სადოქტორო პროგრამებზე სწავლისა და სტიპენდიის მოპოვების შესაძლებლობით.

ხანგრძლივობა:

მაგისტრატურის საფეხურის სტუდენტებისთვის - 2 წელი
დოქტორანტურის საფეხურის სტუდენტებისთვის - 4 წელი

სტიპენდიის ყოველთვიური ოდენობა:

მაგისტრატურის საფეხურის სტუდენტებისათვის - 3000 ჩინური იუანი
დოქტორანტურის საფეხურის სტუდენტებისთვის - 3500 ჩინური იუანი

სწავლების ენა: ინგლისური ან/და ჩინური

აკადემიური მიმართულება:

32 სამაგისტრო პროგრამა
28 სადოქტორო პროგრამა
2023-2024 აკადემიური წლის სამაგისტრო და სადოქტორო პროგრამების ჩამონათვალი იხილეთ ბმულზე

კურსების ჩამონათვალი ხელმისაწვდომია აღნიშნულ ბმულზე.

კონკურსში მონაწილოების მიღების წინაპირობები:

კანდიდატი არ უნდა იყოს ჩინეთის მოქალაქე. უნდა იყოს მენტალურად და ფიზიკურად ჯანმრთელი. უნდა შეისწავლოს და დაიცვას ჩინეთისა და პეკინის ტექნოლოგიური უნივერსიტეტის კანონები და რეგულაციები;
სამაგისტრო პროგრამაზე განაცხადის გაკეთებისას კანდიდატი უნდა იყოს 35 წლამდე ასაკის ბაკალავრის ან მისი ექვივალენტური აკადემიური ხარისხის მფლობელი;
სადოქტორო პროგრამაზე განაცხადის გაკეთებისას კანდიდატი უნდა იყოს 40 წლამდე ასაკის მაგისტრატურის ან მისი ექვივალენტური აკადემიური ხარისხის მფლობელი;
კანდიდატი ჩინურენოვანი პროგრამებისთვის უნდა ფლობდეს HSK სერთიფიკატს (მინიმალური დონე - 5); ინგლისურენოვანი პროგრამებისთვის უნდა ფლობდეს TOEFL-ის სერთიფიკატს მინიმუმ 85 ქულით ან IELTS-ის სერთიფიკატს საერთო ჯამში მინიმუმ 6.0 ქულით (გამონაკლისს წარმოადგენენ ისინი, ვისთვისაც ინგლისური მშობლიური ენაა). ან უნდა წარმოადგინოს BIT-ის მიერ აღიარებული ენის ცოდნის დამადასტურებელი სხვა ცნობა.
კანდიდატს უნდა ჰქონდეს მინიმუმ 1 წლიანი სამუშაო ან სტაჟირების გამოცდილება MBA პროგრამაზე.

განაცხადის წარგდენა:

კანდიდატმა განაცხადი კონკურსის ვადის დაცვით უნდა წარმოადგინოს ელექტრონულად;
ელექტრონული განაცხადი უნდა შეივსოს ილიას სახელმწიფო უნივერსიტეტის ელ- ფოსტის მისამართის გამოყენებით. დაუშვებელია განაცხადის შევსება პირადი ან სხვა პიროვნების ელფოსტის გამოყენებით;
განიხილება მხოლოდ სრულყოფილი განაცხადები. დაუშვებელია კონკურსისათვის საჭირო დოკუმენტების ეტაპობრივად, ნაწილ-ნაწილ გამოგზავნა. ასეთ შემთხვევაში კანდიდატი ავტომატურად მოიხსნება კონკურსიდან;

ელექტრონული განაცხადის ფორმა იხილეთ ბმულზე.

ელექტრონული განაცხადის ფორმაში ასატვირთი დოკუმენტების ჩამონათვალი იხილეთ ბმულზე.

განაცხადის წარდგენის ვადა: 2022 წლის 20 დეკემბერი (18:00, საქართველოს დროით).

სასარგებლო ბმულები:

გაცვლითი პროგრამის ადმინისტრირების წესები და პროცედურები სტუდენტებისთვის იხილეთ ბმულზე;
პეკინის ტექნოლოგიური ინსტიტუტის გზამკვლევი გაცვლითი სტუდენტებისათვის იხილეთ ბმულზე;
პეკინის ტექნოლოგიური ინსტიტუტის საინფორმაციო ბროშურა იხილეთ ბმულზე;
დეტალური ინფორმაციისათვის ასევე იხილეთ თანდართული ფაილი.

დამატებითი შეკითხვებით მიმართეთ:

ილიას სახელმწიფო უნივერსიტეტის საერთაშორისო ურთიერთობების სამსახურს.

ელფოსტა: erasmusplus@iliauni.edu.ge

ტელ.: (995 322) 220009 - 367 (ext)

პეკინის ტექნოლოგიური უნივერსიტეტის საერთაშორისო ურთიერთობების სამსახურს.

ელ-ფოსტა: master_phd@bit.edu.cn

ტელ.: 86 10 68910992