მეცნიერებათა და ხელოვნების ფაკულტეტი ილიას სახელმწიფო უნივერსიტეტი

2016 წლის ანგარიში

2016 წლის ანგარიში

2016 წელს ფსიქიკური ჯანმრთელობის ცენტრის მიერ ითარგმნა და გამოიცა რობ პულის და რობერტ ჰიგოს სახელმძღვანელო „ფსიქიატრიული ინტერვიუ და შეფასება რომელიც უფასოდ დაურიგდა  პროგრამის მაგისტრებს.

2016 წელს, ფსიქიკური ჯანმრთელობის ცენტრის ეგიდით, ცენტრის ტერიტორიაზე შედგა რამდენიმე მნიშვნელოვანი ღონისძიება, კერძოდ, ფსიქიკური ჯანმრთელობის პროგრამის მაგისტრებისთვისა და დარგის სხვა პროფესიონალებისთვის მოეწყო ვორკშოპები, ლექციები და ტრენინგები:

  • 15 მარტი  -  პროფ. ბენედეტო სარაჩენოს (ლისაბონის და ჟენევის უნივერსიტეტები),  ვორკშოპი: „ფსიქიკური ჯანმრთელობის რეფორმა და გამოწვევები“;
  • 23-25 აპრილი -  პროფ. ბერთოლდ გერსონსის (ამსტერდამის უნივერსიტეტი)  ტრენინგი: „მოკლე ეკლექტური ფსიქოთერაპია ტრავმის მკურნალობაში“;
  • 25-26  აპრილი - პროფ. ჯონათან ბისონის (კარდიფის უნივერსიტეტი) ტრენინგი: „კვლევის მეთოდოლოგია: რანდომიზირებული გაკონტროლებული კვლევა, მეტაანალიზი, სისტემური გადასინჯვა“;
  • 28-29 მაისი - პროფ. დესა ბერგენ-ჩიჩოს (სირაკუზის უნივერსიტეტი) ვორკშოპი: „Mindfulness“;
  • 2016 წლის სექტემბერი-ოქტომბერი - ფსიქიკური ჯანმრთელობის სფეროს ორი უკრაინული დელეგაციის სტუმრობა და 2 ლექცია ფსიქიკური ჯანმრთელობის ცენტრში (15 სექტემბერს და 18 ოქტომბერს). ცენტრის დირექტორმა, ნინო მახაშვილმა წაიკითხა ლექცია “ფსიქიკური ჯანმრთელობის სისტემა საქართველოში; ფსიქოტრავმის სამსახურები: კვლევები და გაკვეთილები“;
  • 19-25 სექტემბერი - ტრავმული სტრესის შემსწავლელი ევროპის საზოგადოების (ESTSS), ქართული ფსიქოტრავმის საზოგადოების და ფსიქიკური ჯანმრთელობის ცენტრის ერთობლივი საერთაშორისო საზაფხულო სკოლა,  რომელშიც მონაწილეობა მიიღეს ფსიქიკური ჯანმრთელობის სფეროში მოღვაწე ახალგაზრდა მეცნიერებმა საქართველოდან, ნიდერლანდებიდან, პოლონეთიდან, ხორვატიიდან, გერმანიიდან, ლიტვიდან და სხვ. წამყვანი მეცნიერები - სტიუარტ ტურნერი (დიდი ბრიტანეთი), როლფ ქლებერი (ნიდერლანდები) და ლუც უიტმანი (გერმანია) უძღვებოდნენ სკოლას ქართველ ექსპერტებთან ერთად (ნინო მახაშვილი და ჯანა ჯავახიშვილი).  განხილულ იყო სადოქტორო და სამაგისტრო ნაშრომების პროექტები, კვლევის მეთოდები, კვლევის პროტოკოლის მომზადება, მონაცემების ანალიზის ტექნიკები და სხვა მნიშვნელოვანი თემები. ახალგაზრდა მეცნიერები ცხოვრობდნენ ფსიქიკური ჯანმრთელობის მაგისტრების სახლებში, რაც კროს-კულტურული გამოცდილების მიღების კიდევ ერთი გზა იყო.
  • 21 ოქტომბერი - სემინარი თემაზე: „კვლევითი აშლილობები და მათი მკურნალობა“;
  • 19 ნოემბერი - ყირგიზეთის ჯანდაცვის სამინისტროს, სამედიცინო უნივერსიტეტისა და სხვა ორგანიზაციათა წარმომადგენლების სასწავლო ვიზიტის ფარგლებში შეხვედრა ყირგიზეთის დელეგაციასთან. ასევე, ჩატარდა ნინო მახაშვილის ლექცია: „ფსიქიკური ჯანმრთელობის სისტემა, სტრატეგია და კანონმდებლობა საქართველოში“;

ასევე, ფსიქიკური ჯანმრთელობის სამაგისტრო პროგრამის სტუდენტები ჩართულნი იყვნენ ცენტრის ბაზაზე დაგეგმილი ორი მნიშვნელოვანი ღონისძიების მომზადების პროცესში:

  • 17-18 მარტი - საერთაშორისო ვორკშოპი დეინსტიტუციონალიზაციაზე მსოფლიო ჯანდაცვის ორგანიზაციის (WHO), საქართველოს შრომის, ჯანმრთელობის და სოციალური დაცვის სამინისტროს, გულბენკიანის ფონდისა და ფონდ „გიფ-თბილისის“ ხელშეწყობით მიეძღვნა ბავშვთა და მოზრდილთა დეინსტიტუციონალიზაციის სტრატეგიების შემუშავებას. 12 წამყვანი ექსპერტი სხვადასხვა ქვეყნიდან განიხილავდა რეფორმის დოკუმენტებს და პროცესებს.
  • 27-29 აპრილი - მსოფლიო ფსიქიატრთა ასოციაციის (WPA) რეგიონული კონფერენცია, სადაც ილიას სახელმწიფო უნივერსიტეტის მაგისტრები დაესწრნენ ლექციებს/ვორკშოპებს და მოისმინეს მოხსენებები მიმდინარე კვლევების შესახებ.
 
ბანერები