კონკურსები

პოლონურ-ამერიკული თავისუფლების ფონდი და პოლონურ-ამერიკული ფულბრაიტის კომისია აცხადებენ კონკურსს ლეინ კირკლანდის სახელობის სტიპენდიის მოსაპოვებლად 2016-2017 აკადემიური წლისათვის.

პროგრამის ფარგლებში, სტუდენტებს საშუალება ეძლევათ, ორი სემესტრის განმავლობაში ისწავლონ პოლონურ უნივერსიტეტებში და გაიარონ 2-კვირიანი სტაჟირება პოლონეთის სახელმწიფო/კერძო სტრუქტურებში. პროგრამის მონაწილეები მიიღებენ სტიპენდიას თვეში 1800 პოლონური ზლოტის ოდენობით. პროგრამა ფარავს სწავლების, დაბინავების, დაზღვევის, მგზავრობის, ვიზის, წიგნებისა და სხვა სასწავლო მასალების ხარჯებს.

სფეროები:

• ეკონომიკა და მართვა;
• ადმინისტრირება/მართვა;
• საჯარო ადმინისტრირება;
• სამართალმცოდნეობა;
• საზოგადოებრივი მეცნიერებები (საზოგადოებრივი ფსიქოლოგია, სოციოლოგია);
• პოლიტიკური მეცნიერებები და საერთაშორისო ურთიერთობები;
• განვითარების პოლიტიკა და ჰუმანიტარული დახმარება.

აუცილებელი მოთხოვნები:

• უკრაინის, ბელარუსის, რუსეთის, მოლდოვის, საქართველოს, სომხეთის, აზერბაიჯანის, ყაზახეთის ან ყირგიზეთის მოქალაქეობა ან მუდმივად ცხოვრების უფლება;
• მაგისტრის წოდება;
• 35 წლამდე ასაკი (დასაბუთების შემთხვევაში, 40 წლამდე ასაკი);
• პოლონური ენის ცოდნა (ინგლისური ენის ცოდნა იმ შემთხვევაში, თუ შერჩეული კურსი იკითხება ინგლისურ ენაზე);
• პროფესიული გამოცდილება 2 წელი.

2016-2017 სასწავლო წელს პროგრამაში მონაწილეობის კანდიდატები შეიძლება იყვნენ:

• ექსპერტები, პოლიტიკოსები, სახელმწიფო და თვითმმართველობის ორგანოების თანამშრომლები;
• მეწარმეები და მენეჯერები;
• არასამთავრობო ორგანიზაციების ლიდერები, კულტურისა და საზოგადოებრივი აქტივობის ანიმატორები;
• უმაღლესი სასწავლებლების პედაგოგები;
• ჟურნალისტები.

საჭირო დოკუმენტაცია:

• შევსებული განაცხადის ფორმა;
• ორი სარეკომენდაციო წერილი (პოლონურ, ინგლისურ ან რუსულ ენაზე);
• უმაღლესი განათლების დამადასტურებელი დიპლომის ასლი.

განაცხადების მიღების ბოლო დღეა 2016 წლის 1-ლი მარტი.

დაწვრილებითი ინფორმაცია პროგრამის და სააპლიკაციო პროცედურის შესახებ: www.kirkland.edu.pl

ინფორმაცია ფონდის - ,,განათლება და დემოკრატიისთვის“ - შესახებ: http://www.edudemo.org.pl

ლეინ კირკლანდის სტიპენდიასთან დაკავშირებით შეგიძლიათ დაუკავშირდეთ ელექტრონულ ფოსტაზე: kirkland@kirkland.edu.pl