კონკურსები

ილიას სახელმწიფო უნივერსიტეტი სადოქტორო საფეხურის სტუდენტებისთვის, ახალგაზრდა მკვლევრებისა და აკადემიური პერსონალისთვის აცხადებს რეგისტრაციას ტრენინგკურსზე „კვლევის კეთილსინდისიერება და ეთიკა“.

კურსის მიზნები:

კვლევის ეთიკისა და კეთილსინდისიერების ძირითადი პრინციპების გაცნობა;

აქტუალური შემთხვევებისა და ახალი ტენდენციების შესახებ სასარგებლო ინფორმაციის გაზიარება და ამ მიმართულებით პრაქტიკული უნარების გაუმჯობესება.

კურსის თემები:

• კვლევის პასუხისმგებლობით წარმართვა;
• კვლევის ეთიკა და კეთილსინდისიერების პრინციპები;
• ღია მეცნიერებები და FAIR მონაცემები;
• ნაშრომის გამოქვეყნება და ეთიკა;
• კვლევის შედეგების პრაქტიკული მნიშვნელობა და სხვ.  

კურსის ფარგლებში დაგეგმილია სინქრონული ონლაინშეხვედრები (ჯგუფთან შეთანხმებით გაიმართება 2025 წლის იანვარში) და ასინქრონული დავალებები. ხანგრძლივობა − ერთი თვე.

მონაწილეებისთვის აუცილებელია ინგლისური ენის მინ. B2 დონეზე ფლობა. კურსის წარმატებით დასრულების შემდეგ გაიცემა სერთიფიკატი.

კურსს გაუძღვებიან: 

ნინო ჯავახიშვილი, მეცნიერებისა და ხელოვნების ფაკულტეტის სრული პროფესორი;

ჯანა ჯავახიშვილი, მეცნიერებისა და ხელოვნების ფაკულტეტის სრული პროფესორი;

გიგა ხოსიტაშვილი, ბიზნესის, ტექნოლოგიებისა და განათლების ფაკულტეტის ასისტენტ-პროფესორი

რეგისტრაციისთვის გთხოვთ ეწვიოთ ბმულს, რეგისტრაცია შესაძლებელია 22 დეკემბრის ჩათვლით. მსურველების დიდი რაოდენობის შემთხვევაში უპირატესობა მიენიჭება აქტიური სტატუსის მქონე დოქტორანტებს.

ტრენინგკურსი შემუშავებულია ევროკომისიის მიერ დაფინანსებული პროექტის „კვლევის პასუხისმგებლობით წარმართვა – კვლევის კეთილსინდისიერება და ეთიკა ქართულ უნივერსიტეტებში (ETHICS)“ ფარგლებში. პროექტის ძირითადი მიზანი უნივერსიტეტებში კვლევის ეთიკისა და კეთილსინდისიერების მექანიზმების, პროცედურებისა და სერვისების გაუმჯობესებაა.

2024