კონკურსი ERASMUS+ გაცვლითი პროგრამის ფარგლებში ვალიადოლიდის უნივერსიტეტში მობილობისათვის
კონკურსები
Erasmus+ გაცვლითი პროგრამის ფარგლებში გამოცხადდა კონკურსი ილიას სახელმწიფო უნივერსიტეტის ბაკალავრიატის, მაგისტრატურისა და დოქტორანტურის საფეხურის სტუდენტებისათვის ვალიადოლიდის უნივერსიტეტში მობილობის განხორციელების მიზნით.
სტიპენდიის რაოდენობა:
- ყოველთვიური სტიპენდია – 850 EUR
- სამგზავრო ხარჯებისათვის – 820 EUR
კონკურსში მონაწილეობის წინაპირობები:
- კანდიდატს უნდა ჰქონდეს აქტიური სტუდენტის სტატუსი და ირიცხებოდეს რელევანტურ საფეხურზე ილიას სახელმწიფო უნივერსიტეტში (განაცხადის შემოტანა შესაძლებელია მხოლოდ იმ საფეხურზე, რომელზეც კანდიდატი ირიცხება კონკურსის მიმდინარეობისას);
- ბაკალავრიატის საფეხურის სტუდენტს დასრულებული უნდა ჰქონდეს მინიმუმ 60 კრედიტი;
- ბაკალავრიატისა და მაგისტრატურის საფეხურის სტუდენტს არ უნდა ჰქონდეს მოპოვებული Erasmus Mundus ან Erasmus+ გრანტი ანალოგიურ საფეხურზე;
- მაგისტრატურის საფეხურის სტუდენტისათვის მობილობის განხორციელება შესაძლებელია მხოლოდ მისი ძირითადი/მომიჯნავე მიმართულებით, ხოლო ბაკალავრიატის სტუდენტისათვის – ძირითადი ან მეორადი პროფესიის მიმართულებით; (შემოთავაზებული კურსების ჩამონათვალი იხილეთ: https://uvamobplus.uva.es/publico/courses)
- დოქტორანტურის საფეხურის სტუდენტების Erasmus Mundus ან/და Erasmus+ გაცვლითი პროგრამის ფარგლებში განხორციელებული და დაგეგმილი მობილობის პერიოდი არ უნდა აღემატებოდეს 12 თვეს;
- კანდიდატი უნდა ფლობდეს შესაბამის უცხო ენას მინიმუმ B2 დონეზე, რის შესახებაც მან კონკურსის პერიოდში უნდა წარმოადგინოს შესაბამისი დამადასტურებელი დოკუმენტი.
- სტუდენტი ვალდებულია, მასპინძელ უნივერსიტეტში მოიპოვოს მინიმუმ 20 და მაქსიმუმ 30 ECTS კრედიტი; მასპინძელ უნივერსიტეტში მიღებული კრედიტები აღიარებადი უნდა იყოს სტუდენტის მშობლიური სასწავლო პროგრამის ფარგლებში.
ელექტრონული განაცხადის ფორმაში ასატვირთი დოკუმენტების ჩამონათვალი
ელექტრონული განაცხადი უნდა წარადგინოთ მხოლოდ ვალადოლიდის უნივერსიტეტის პლატფორმაზე: https://uvamobplus.uva.es/
განაცხადის წარდგენის ბოლო ვადა: 16 აპრილი (11:00AM, ესპანეთის დროით), 2021 წელი
მობილობის შესახებ დეტალური ინფორმაციის მისაღებად ეწვიეთ ბმულს: https://uvamobplus.uva.es/files/80444/33/Sellado_Convocatoria_EN.pdf
დამატებითი კითხვების შემთხვევაში გთხოვთ მიმართოთ: ka107.erasmusplus@uva.es