კონკურსები

საუკეთესო ქართული სტუდენტური თარგმანისათვის პრეზიდენტის ადმინისტრაცია ელისაბედ ორბელიანის სახელობის ჯილდოს მოსაპოვებლად აცხადებს კონკურსს.

ელისაბედ ორბელიანის სახელობის ჯილდო გაიცემა შემდეგ ნომინაციებში:

• პროზის ქართული თარგმანი
• პოეზიის ქართული თარგმანი
• სამეცნიერო ნაშრომის ქართული თარგმანი
• ესეს და დოკუმენტური პროზის ქართული თარგმანი
• კონკურსის მიზანია ახალგაზრდებში მთარგმნელობითი საქმიანობის პოპულარიზაცია და შემოქმედებითი ინიციატივების წახალისება;

კონკურსის პირობები:

• კონკურსში მონაწილეობის მიღება შეუძლიათ ილიას სახელმწიფო უნივერსიტეტის სტუდენტებს, მათ შორის დოქტორანტებს (35 წლამდე);
• კონკურსში მონაწილეობის მისაღებად სტუდენტებმა უნდა შეავსონ სარეგისტრაციო ფორმა.

კონკურსის ეტაპები:

• ილიას სახელმწიფო უნივერსიტეტში რექტორის ბრძანებით იქმნება კომისია ამავე უნივერსიტეტის სტუდენტების ნაშრომების განხილვის, მათ შორის ოთხივე ნომინაციის მიხედვით თითო საუკეთესოს გამოვლენისა და პრეზიდენტის ადმინისტრაციაში წარდგენის მიზნით;
• პრეზიდენტის ადმინისტრაციაში იქმნება სამუშაო ჯგუფი, რომელიც უნივერსიტეტებიდან შემოსული თარგმანებიდან ოთხივე ნომინაციის მიხედვით დასაჯილდოებლად გამოავლენს კანდიდატებს და თავის გადაწყვეტილებას დასამტკიცებლად წარუდგენს საქართველოს პრეზიდენტს;
• საქართველოს პრეზიდენტი მიიღებს გადაწყვეტილებას წარმოდგენილი კანდიდატების დაჯილდოების შესახებ.

კონკურსის ვადები:

• კონკური გამოცხადდა 2023 წლის 1 მარტს;
• საკონკურსო თარგმანების, მათი ორიგინალებისა და საბუთების ილიას სახელმწიფო უნივერსიტეტისათვის წარდგენა სტუდენტებს შეუძლიათ 2023 წლის 15 სექტემბრის ჩათვლით;
• პრეზიდენტის ადმინისტრაციას საკონკურსო ნამუშევრები წარედგინება არაუგვიანეს 2023 წლის 1 ნოემბრისა;
• პრეზიდენტის ადმინისტრაციაში შექმნილი სამუშაო ჯგუფი გამოავლენს საუკეთესო თარგმანებს და საქართველოს პრეზიდენტს საბოლოო გადაწყვეტილების მისაღებად წარუდგენს 2023 წლის 15 დეკემბრამდე.
• გამარჯვებულების დაჯილდოება გაიმართება 2023 წლის მიწურულს ორბელიანების სასახლეში

საკონტაქტო ინფორმაცია:

ილიაუნის სტუდენტურ საქმეთა დეპარტამენტი
Student.affairs@iliauni.edu.ge
2 22 00 09 (270)

2023