ახალი ამბები

ლენტეხელი სალომე მეშველიანი, ილიას სახელმწიფო უნივერსიტეტის სტუდენტი, დიდი ხანია, მეკლდეურობაში ვარჯიშობს. საქართველოს მრავალგზის ჩემპიონს სხვა შეჯიბრებებშიც არაერთხელ გამოუჩენია თავი. ილიაუნელმა ამჯერად მშობლიურ რაიონში ჩატარებულ მეკლდეურთა საქართველოს ჩემპიონატზე იყოჩაღა: ჯერ რთულ ცოცვაში მოიპოვა ქვეყნის ჩემპიონობა და ოქროს მედალი, შემდეგ სწრაფ ცოცვაში გაიმარჯვა და კვარცხლბეკის უმაღლეს საფეხურზე ავიდა. ივლისის მიწურულს სალომე მეშველიანი სტეფანწმინდაში, სახელოვანი მეკლდეურების - ვახტანგ ფირიკაშვილისა და თამაზ წიკლაურის - მემორიალებში იასპარეზებს.