ახალი ამბები

გაცნობებთ, რომ ილიას სახელმწიფო უნივერსიტეტის 2019 წლის 10 მაისის სტუდენტური თვითმმართველობის წარმომადგენლობითი ორგანოს არჩევნებში მონაწილეობას მიიღებენ მხოლოდ აქტიური სტატუსის მქონე სტუდენტები.

სტუდენტს ამომრჩეველთა სიაში მის შესახებ არსებული მონაცემების გადასამოწმებლად შეუძლია მიმართოს ილიას სახელმწიფო უნივერსიტეტის ცენტრალურ საარჩევნო კომისიას შემდეგ მისამართზე: ქ. თბილისი, ქაქუცა ჩოლოყაშვილის გამზირი N3/5, F კორპუსი, F104 აუდიტორია. სარეგისტრაციო დოკუმენტაციის მიღება წარმოებს ყოველდღე, 10:00-18:00 საათამდე (მათ შორის 20 და 21 აპრილს).

უზუსტობის აღმოჩენის შემთხვევაში ამომრჩეველთა სიებში ცვლილებების შეტანა შესაძლებელია 2019 წლის 3 მაისის ჩათვლით.