ახალი ამბები

ილიას სახელმწიფო უნივერსიტეტის აკადემიური და წარმომადგენლობითი საბჭოების გადაწყვეტილებით, უნივერსიტეტში განხორციელდა სტრუქტურული რეფორმა, რომლის შედეგადაც:

•  საბუნებისმეტყველო მეცნიერებებისა და სამედიცინო ფაკულტეტი ადმინისტრირებას გაუწევს როგორც საბუნებისმეტყველო მეცნიერებების პროგრამებს, ისე სამედიცინო მიმართულებას;
• მენეჯმენტის, ტექნოლოგიისა და განათლების ფაკულტეტი ადმინისტრირებას გაუწევს ბიზნესის სკოლას, საინჟინრო სკოლას, განათლების სკოლას და ასევე, ტექნოლოგიების მიმართულებას უნივერსიტეტის მასშტაბით.

ახალ ფაკულტეტზე ბიზნესისა და განათლების მჭიდრო კავშირი ტექნოლოგიებთან პასუხობს ილიას სახელმწიფო უნივერსიტეტის სტრატეგიას და, ადგილობრივი თუ გლობალური გამოწვევების ფონზე, მნიშვნელოვნად შეუწყობს ხელს როგორც პროგრამების ხარისხის მუდმივ ზრდას, ისე კურსდამთავრებულთა კონკურენტუნარიანობის ამაღლებას დასაქმების ბაზარზე.