ახალი ამბები

„ისტორიის რეკონსტრუქციები“ ილიას სახელმწიფო უნივერსიტეტის რეფერირებადი მულტიდისციპლინური აკადემიური ჟურნალია, რომელიც მიზნად ისახავს თანამედროვე ქართული სახელმწიფოს ისტორიულ-კულტურული კონტექსტის რეკონსტრუქციას.

ახალი ნომრის გამოსაცემად, ჟურნალი „ისტორიის რეკონსტრუქციები“ აცხადებს მაგისტრანტების, დოქტორანტების და დოქტორების სამეცნიერო სტატიების მიღებას შემდეგ დისციპლინებში: ისტორია, სოციოლოგია, პოლიტიკის მეცნიერებები და ანთროპოლოგია.

ნაშრომების წარდგენის ბოლო ვადაა: 15. 06.2016

პრიორიტეტული თემებია:

• ქალაქი, როგორც მრავალფეროვანი, მუდმივად განვითარებადი სოციალური წარმონაქმნი. ქართული ქალაქების განვითარება და მათი შედარებითი ანალიზი;
• ინსტიტუტები, ამ ტერმინის ფართო, სოციოლოგიური გაგებით. კლანური, საუბნო, პროფესიული თუ კონფესიური ერთობები გუშინ და დღეს;
• ელიტები. ელიტის ადგილი პოლიტიკაში. ელიტის სოციალური სტრუქტურის ანალიზი. საქართველოს მემკვიდრეობა ამ მხრივ და მისი გარდატეხა თანამედროვეობის ჭრილში.

სტატიის წარდგენის გზამკვლევი:

• სტატია უნდა გამოაგზავნოთ მითითებულ ელექტრონულ მისამართზე: mariam.matiashvili.3@iliauni.edu.ge.
• სტატია წარმოდგენილი უნდა იყოს ვორდის ფაილში.
• დასახელების ველში მიუთითეთ ავტორის გვარი.
• სტატიის ზომა: 5000-15000 სიტყვა (მათ შორის, ბიბლიოგრაფია).
• სტატიის ენა: ქართული
• ფოტოდოკუმენტაციის წარმოდგენის შემთხვევაში, წარმოადგინეთ მისი საავტორო უფლებებიც.
• სტატია უნდა შეესაბამებოდეს ილიას სახელმწიფო უნივერსიტეტის აკადემიურ სტილს, რომელსაც იხილავთ მითითებულ ლინკზე:

http://iliauni.edu.ge/uploads/other/2/2588.pdf

სარედაქციო საბჭო არ განიხილავს სტატიას, რომელიც:

• უკვე გამოქვეყნებულია ან წარდგენილია გამოსაქვეყნებლად სხვა სამეცნიერო ჟურნალში ან სხვა ბეჭდურსა და ინტერნეტგამოცემაში;
• არ მოიცავს არგუმენტირებულ მსჯელობასა და ანალიზს;
• არ ჯდება ეთიკურ ნორმებსა და სტანდარტებში;
• არ შეესაბამება ჟურნალის ფორმატს.

სტატია გაფორმებული უნდა იყოს შემდეგი ფორმატით:

1. სატიტულო გვერდი: სტატიის სათაური, ავტორის სახელი, გვარი, ელექტრონული მისამართი, აფილირება, თარიღი, აბსტრაქტი.
2. ტექსტი: შესავალი, ძირითადი ნაწილი, დასკვნა, ბიბლიოგრაფია.