ახალი ამბები

19  მაისს  ილიას  სახელმწიფო  უნივერსიტეტში  სპორტის  ფაკულტეტის  სტუდენტთა ყოველწლიური  სამეცნიერო  კონფერენცია  გაიმართა.

სტუდენტებმა წარმოადგინეს სპორტული სპეციალიზაციების სამეცნიერო-პრაქტიკუკლი  საკითხების  ამსახველი  ნაშრომები.  პროფესორ-მასწავლებლებისაგან დაკომპლექტებულმა  ჟიურიმ  კონფერენციაში  გამარჯვებულები  გამოავლინა  და  სპეციალური  სიგელებით  დააჯილდოვა.  გამარჟვებულები  ასე  გადანაწილდნენ: პირველი  ადგილი -  მეოთხე  კურსის  სტუდენტი  გიორგი  გელდიაშვილი  (თემა:  ”საერთო ფიზიკური მომზადების მახასიათებლების შედარებითი ანალიზი სპორტული ჭიდაობისა და ორთაბრძოლების სხვა სახეების წარმომადგენელთა მაგალითზე”,  ხელმძღვანელი:  უფროსი  მასწავლებელი  დავით  კვინიკაძე),  მეორე  ადგილი -  მესამე   კურსის  სტუდენტი  როსტომ  ხოზრევანიძე   (თემა:  ”ძველი  თბილისის  ისტორიული  ტური”,  ხელმძღვანელი:   მასწავლებელი  ლალი  მიქელაძე)   და  მესამე  ადგილი -   მესამე   კურსის  სტუდენტები  ნათია  იაშვილი    და  გიორგი  მაკარაშვილი  (თემა: ”სხვა  საქართველო  სად  არის”, ხელმძღვანელი:  მასწავლებელი  ლალი  მიქელაძე).

კონფერენციის  მიზანი  იყო   სპორტის მეცნიერების განვითარებისათვის შესაფერისი პირობების შექმნა, საგანმანათლებლო პროგრამაში  მეცნიერულ კვლევებზე დაფუძნებული სწავლის პრინციპის რეალიზება, პროფესორ-მასწავლებელთა  და სტუდენტთა სამეცნიერო-კვლევითი საქმიანობის წახალისება.