სერტიფიკატები წარჩინებული სტუდენტებისათვის
ილიას სახელმწიფო უნივერსიტეტის რექტორმა გიგი თევზაძემ და საქპატენტის თავმჯდომარემ ირაკლი ღვალაძემ იურიდიული ფაკულტეტის სტუდენტებს, რომლებმაც მონაწილეობა მიიღეს საქპატენტის თანამშრომლების მიერ ჩატარებულ ლექცია - სემინარში, სერტიფიკატები გადასცეს.
30 აპრილიდან 1 მაისის ჩათვლით ილიას სახელმწიფო უნივერსიტეტის ორგანიზებით ქ. ყაზბეგში
იურიდიული ფაკულტეტის წარჩინებული სტუდენტებისათვის საქპატენტის თანამშრომლებმა ლექცია-სემინარი გამართეს. სემინარზე სტუდენტებმა ინტელექტუალური საკუთრების სამართლის სფეროსთან დაკავშირებული მათთვის საინტერესო ინფორმაცია მიიღეს.
სემინარი წარჩინებული სტუდენტებისთვის ჩაატარეს საქპატენტის თანამშრომლებმა: სასაქონლო ნიშნების და გეოგრაფიული აღნიშვნების დეპარტამენტის უფროსმა გიორგი ქურდიანმა, გამოგონებების, დიზაინისა და ახალი ჯიშების დეპარტამენტის უფროსმა ზვიად მათიაშვილმა და იურიდიული და საავტორო სამართლის დეპარტამენტის მთავარმა სპეციალისტმა ირაკლი კასრაძემ.