ახალი ამბები

20 ოქტომბერს ილიას სახელმწიფო უნივერსიტეტში გაიმართა საქართველოს პარაზიტოლოგთა საერთაშორისო კონფერენცია პარაზიტოლოგიის აქტუალურ საკითხებზე.

კონფერენცია მიეძღვნა გამოჩენილი ქართველი მეცნიერის, საქართველოს მეცნიერებათა აკადემიის წევრ-კორესპონდენტის, ბიოლოგიის მეცნიერებათა დოქტორის, ბორის ყურაშვილის დაბადებიდან 100 წლისთავს.

კონფერენციას ესწრებოდა პროფესორი სანტიაგო მასკომა (Prof. Dr. Dr. Honoris Causa SANTIAGO MAS-COMA) - ევროპის პარაზიტოლოგთა ფედერაციის პრეზიდენტი, ჯანმრთელობის მსოფლიო ორგანიზაციის ექსპერტი, მსოფლიო პარაზიტოლოგთა ფედერაციის აღმასრულებელი კომიტეტის წევრი, მაგატეს მრჩეველი, ტროპიკული პარაზიტული დაავადებების საერთაშორისო სამაგისტრო კურსის დირექტორი.