ახალი ამბები

ილიას სახელმწიფო უნივერსიტეტის ს. წერეთლის სახელობის ფილოსოფიის ინსტიტუტის ორგანიზებით გაიმართა სამეცნიერო კონფერენცია „სამართლიანობა, ზნეობრიობა, თავისუფლება“.

კონფერენციის მიზანი იყო მოეხდინა პრაქტიკული ფილოსოფიის სამი ძირითადი კონცეპტის - სამართლიანობის, ზნეობრიობის, თავისუფლების - თემატიზაცია ანტიკურობიდან მეოცე საუკუნის ჩათვლით.

კონფერენცია გახსნა ილიას სახელმწიფო უნივერსიტეტის ემერიტუს-პროფესორმა გურამ თევზაძემ, რომელმაც ისაუბრა თემაზე ”კანტის მესამე ანტინომიის ასპექტით წარმოდგენილი 19-ე საუკუნის ფილოსოფია”, მომხსენებლები იყვნენ ასევე ბონის უნივერსიტეტის პროფესორი თეო კობუში, იგი შეეხო თემას ”ნება , როგორც თავისუფლების პრინციპი”, გიგა ზედანია - ”ფუკო და კანტი. ერთი შეხვედრის ისტორია”, სერგო რატიანი, თამარ ცოფურაშვილი - ”თავისუფლების არსი ფიხტესთან”, ნინო როდონაია- ”იყო თავისუფალი, იაზროვნო თავისუფლად, იმოქმედო თავისუფლად”, ლევან გიგინეიშვილი-”ანტიგონე და სამოქალაქო საზოგადოება”, მამუკა ბერიაშვილი -”სოკრატე ანტიკურობის განმანათლებელი. სამართლიანობა და ღვთისმოსაობა ჭეშმარიტი ფილოსოფოსობის ანუ ცხოვრების საფუძვლები”, მაკა ლაშხია - ”სამართლიანობის არსი პლატონისა და არისტოტელეს ფილოსოფიაში”.