ახალი ამბები

ილიას სახელმწიფო უნივერსიტეტის პიროვნული და პროფესიული განვითარების ცენტრი ილიაუნის სადოქტორო საფეხურის სტუდენტებისთვის, ახალგაზრდა მკვლევრებისა და აკადემიური პერსონალისთვის აცხადებს რეგისტრაციას ტრენინგკურსზე „კვლევის კეთილსინდისიერება და ეთიკა“.

კურსის მიზნები:

• კვლევის ეთიკისა და კეთილსინდისიერების ძირითადი პრინციპების გაცნობა;
• აქტუალური შემთხვევებისა და ახალი ტენდენციების შესახებ სასარგებლო ინფორმაციის გაზიარება და ამ მიმართულებით პრაქტიკული უნარების გაუმჯობესება.

კურსის თემები:

• კვლევის პასუხისმგებლობით წარმართვა;
• კვლევის ეთიკა და კეთილსინდისიერების პრინციპები;
• ღია მეცნიერებები და FAIR მონაცემები;
• ნაშრომის გამოქვეყნება და ეთიკა;
• კვლევის შედეგების პრაქტიკული მნიშვნელობა და სხვ.

კურსის ფარგლებში დაგეგმილია ხუთი სინქრონული ონლაინშეხვედრა (16 აპრილიდან, ყოველი მომდევნო ოთხშაბათი, 19:00 საათი) და ასინქრონული დავალებები.

მონაწილეებისთვის აუცილებელია ინგლისური ენის მინ. B2 დონეზე ფლობა. კურსის წარმატებით დასრულების შემდეგ გაიცემა სერტიფიკატი.

კურსს გაუძღვებიან:

• ნინო ჯავახიშვილი, მეცნიერებათა და ხელოვნების ფაკულტეტის სრული პროფესორი
• ჯანა ჯავახიშვილი, მეცნიერებათა და ხელოვნების ფაკულტეტის სრული პროფესორი
• გიგა ხოსიტაშვილი, ბიზნესის, ტექნოლოგიისა და განათლების ფაკულტეტის ასისტენტ-პროფესორი

რეგისტრაციისთვის გთხოვთ, ეწვიოთ ბმულს, რეგისტრაცია შესაძლებელია 10 აპრილის ჩათვლით.

მსურველების დიდი რაოდენობის შემთხვევაში უპირატესობა მიენიჭება აქტიური სტატუსის მქონე დოქტორანტებს.

ტრენინგკურსი შემუშავებულია ევროკომისიის მიერ დაფინანსებული პროექტის „კვლევის პასუხისმგებლობით წარმართვა – კვლევის კეთილსინდისიერება და ეთიკა ქართულ უნივერსიტეტებში (ETHICS)“ ფარგლებში. პროექტის ძირითადი მიზანი უნივერსიტეტებში კვლევის ეთიკისა და კეთილსინდისიერების მექანიზმების, პროცედურებისა და სერვისების გაუმჯობესებაა.

2025