ახალი ამბები

14 მარტს ილიას სახელმწიფო უნივერსიტეტის G106 აუდიტორიაში, ევროკავშირის მე-7 ჩარჩოპროგრამის პროექტის - „ჯაჭვური რეაქცია“ - ფარგლებში, გაიმართა მოსწავლეთა მეორე ეროვნული კონფერენცია საბუნებისმეტყველო მეცნიერებებში.

კონფერენციაზე მონაწილეობდა საქართველოს ხუთი სკოლა:

• აკად. ილია ვეკუას სახელობის 42-ე ფიზიკა-მათემატიკური საჯარო სკოლა (თბილისი)
• ნიუტონის თავისუფალი სკოლა (თბილისი)
• სერვანტესის სახელობის გიმნაზია აია-GESS (თბილისი)
• პირველი საჯარო სკოლა (ბოლნისი)
• 33-ე საჯარო სკოლა (ქუთაისი)

კონფერენციაზე მოსწავლეებმა წარმოადგინეს კვლევითი პროექტები საბუნებისმეტყველო მეცნიერებებში როგორც სასესიო, ასევე საგამოფენო ფორმატში. კონფერენციაზე წარმოდგენილი საუკეთესო კვლევითი პროექტი მაისში საქართველოს სახელით წარდგება საერთაშორისო კონფერენციაზე ჰაიდელბერგში (გერმანია).