ახალი ამბები

ილიას სახელმწიფო უნივერსიტეტში გაიმართა საერთაშორისო კონფერენცია ”კატასტროფების რისკის მართვა-გამოწვევა განვითარებისათვის”. კონფერენცია ორგანიზებული იყო კავკასიის გარემოსდაცვითი არასამთავრობო ორგანიზაციების ქსელის (CENN), ტვენტეს უნივერსიტეტის გეოინფორმაციული მეცნიერებისა და დედამიწის შემსწავლელი ფაკულტეტის (ITC) და ილიას სახელმწიფო უნივერსიტეტის მიერ.

კონფერენციის ფარგლებში მოხდა თანამედროვე მეთოდოლოგიების და ტექნოლოგიების საფუძველზე მომზადებული საქართველოს ბუნებრივი საფრთხეებისა და რისკების ატლასის პრეზენტაცია. კონფერენციაში მონაწილე საერთაშორისო ექსპერტებმა წარმოადგინეს კატასტროფების რისკების მართვის და რისკების შეფასების აპრობირებული და ინოვაციური მიდგომები და კვლევები.