ახალი ამბები

საქართველოს ინოვაციებისა და ტექნოლოგიების სააგენტოს (GITA • Tech Park) ორგანიზებით მსოფლიო ბანკის „ეროვნული ინოვაციური ეკოსისტემის“ პროექტის ფარგლებში ილიას სახელმწიფო უნივერსიტეტმა ბათუმის ქართულ-ამერიკული სკოლის ბაზაზე განახორციელა ინოვაციებისა და ტექნოლოგიების ბანაკი მოსწავლეებისთვის.

ბანაკში მონაწილეობა კონკურსით შერჩეულმა სხვადასხვა საჯარო სკოლის 75-მა მოსწავლემ მიიღო მთელი საქართველოდან. მათ პროექტის ფარგლებში სრულად დაუფინანსდათ ბანაკში მონაწილეობასთან დაკავშირებული ხარჯები.

8 დღის განმავლობაში მონაწილეები გაეცნენ საბუნებისმეტყველო და ტექნიკური მეცნიერებების აქტუალურ საკითხებს და მიიღეს საწყისი ცოდნა ტექნოლოგიებსა და მეწარმეობაში, რაც შემდგომ დაეხმარებათ STEM მიმართულებით კარიერის შერჩევაში.

8 დღის განმავლობაში მოსწავლეებმა:

• იმუშავეს არდუინოსა და პროგრამირებაზე;
• მოისმინეს სამეცნიერო-პოპულარული ლექციები ხელოვნურ ინტელექტზე, რობოტიკაზე, ასევე ბიოქიმიასა და ასტროფიზიკაზე;
• გაეცნენ სამეწარმეო და სტარტაპმიდგომებს თანამედროვე ტექნოლოგიებში;
• ჩაატარეს სახალისო სამეცნიერო ექსპერიმენტები;
• მონაწილეობა მიიღეს სხვადასხვა საინჟინრო შეჯიბრებაში.

ინოვაციების და ტექნოლოგიების ბანაკის მონაწილეები მთელი საქართველოდან STEM მიმართულებით მათი გამოცდილებისა და მოტივაციის საფუძველზე შეირჩნენ. წელს მონაწილეობის სურვილი 2000-ზე მეტმა მოსწავლემ გამოთქვა და მათი აპლიკაციების განხილვის საფუძველზე 150 მონაწილე შევარჩიეთ.

რეგიონების მიხედვით მონაწილეები ასე განაწილდნენ:

• თბილისი –30
• კახეთი – 20
• შიდა ქართლი და მცხეთა-თიანეთი – 10
• სამეგრელო-ზემო სვანეთი – 20
• აჭარა – 20
• სამცხე ჯავახეთი და ქვემო ქართლი – 10
• იმერეთი - 20
• გურია - 10
• რაჭა - ლეჩხუმი და ქვემო სვანეთი-10

2022 წელი