ახალი ამბები

20-22 მაისს ილიას სახელმწიფო უნივერსიტეტის სტუდენტებმა ქეთევან დოლიძემ, ქეთევან სართანიამ, ზვიად ცეცხლაძემ და გიორგი მამულაშვილმა მონაწილეობა მიიღეს თურქეთის ესკიშეჰირ ოსმანგაზის უნივერსიტეტის მიერ ორგანიზებულ ევროკავშირის სიმულაციაში. სიმულაცია, რომელიც გაიმართა Erasmus + Jan Monnet Networks-ის პროექტის „ევროპასთან დაკავშირება პერიფერიაში“ (Linking “Europe at the periphery) ფარგლებში, ეხებოდა თემას „ომი უკრაინაში და ევროპაში შექმნილი დევნილთა კრიზისი“.

სიმულაციაში მონაწილეობდა სხვადასხვა უცხოური უნივერსიტეტის 50-მდე სტუდენტი. საქართველოს დელეგატები სიმულაციაში წარმატებული მონაწილეობისათვის სპეციალური პრიზით დაჯილდოვდნენ.

თურქეთში საქართველოს დელეგაციას ხელმძღვანელობდა მეცნიერებათა და ხელოვნების ფაკულტეტის პროფესორი დავით აფრასიძე.

2022 წელი