ახალი ამბები

ილიას სახელმწიფო უნივერსიტეტისა და პარმის უნივერსიტეტის (იტალია) ურთიერთთანამშრომლობის საფუძველზე, ილიას სახელმწიფო უნივერსიტეტის 18 სტუდენტი მონაწილეობას მიიღებს პარმის უნივერსიტეტის მიერ ორგანიზებულ სტაჟირების პროგრამაში TRAININCOMING.

პროგრამის ფარგლებში სტუდენტები ორი ან სამი თვით გაივლიან ანაზღაურებად სტაჟირებას პარმის უნივერსიტეტის სხვადასხვა ადმინისტრაციულ დეპარტამენტში.

პროგრამაში მონაწილეობა შეეძლო პარმის უნივერსიტეტის 4 პარტნიორი უნივერსიტეტის სტუდენტებს აშშ-დან, ბრაზილიიდან, რუსეთიდან და საქართველოდან. პროგრამის 40 მონაწილეს შორის ილიას სახელმწიფო უნივერსიტეტის 18 საუკეთესო აპლიკანტიც მოხვდა, რომლებიც 2015-2016 სასწავლო წელს სტაჟირებას გაივლიან პარმის უნივერსიტეტში.